PM:04:38:13/10/2021
1136 جار خوێندراوەتەوە
+
-
سندوقا نەختینەیا نیڤدەولەتی هایداریێ ددەت
لسەر پێنگاڤێن بەنکا ناوەندیا وەلاتان ب مەرەما پشتەڤانیکرنا وەزارەتا داراییا
وەلاتێن وێ د بەرهنگاربوونا کۆرۆنایێ دا، جیهان ئێخستیە ڕەوشەکێ کو تۆشی کرێزا دارایی ببیت.
د ڕاپۆرتا نیڤدەولەتیا سالانەیا خۆدا، سندوقا
نەختینەیا نیڤدەولەتی بۆ ئارامیا داراییا جیهانێ (GFSR) ڕاگەهاند، بڕیاربدەستێن سیاسی
رووبروویێ چەند گرێکان د بودجەی دا دبن ب سەدەما بەردەوامیا چالاککرنا کەرتێ
ئابووری، بڤێ ژی مەرترسیێ بۆ سەر داراییا جیهانی دروستدکەت.
بلندبوونا بەشان کو ب ئاوایەکێ زێدەگاڤی
تێداکرن بلندبوونا بهایێ خانیان د بەشەک ژ
وەلاتیێن جیهانێ دا، وەکریە بەشەک ژ وەبەرئینەر د وەلاتاندا دلگران ببن لهەمبەر
پێشینەیێن ئابووری، د دەمەکێ دا توشبوویێن ب کۆرۆنایێ د زێدەبوونێ دانە وو باوەری
ب هێزا گەشبوونا ئابووریێ نینن بتایبەتی ل وان وەلاتێن بازار و ئابووریا وان
دگەشبوونا دەستپێکی دایە.
ل گۆرەی راپۆرتەکا سندوقا نەختینەیا
نیڤدەولەتی کو رۆژنامەیا گاردیانا بەریتانی بەلاڤکریە، هایداری دایە لسەر زێدبوونا
مەترسیا کەرتێ دارایی و لاوازبوونا سازیێن داریی نەبانکی کو ئاماژەنە بۆ هەرفینا
داراییا بنەرەتی.
راپۆراتێ ئاماژە ب وێیەکێ کریە، ئەگەر رووبروویێ
ڤێ دەستهەلاتێ نەبن ب ئاوایەکێ مەزن دێ بەرەڤ پێشڤەچیت و مەترسیێ لسەر گەشەکرنا
ناڤنجی و سیستەمێ داراییا جیهانی دروست کەتن.
دەربارەی گەشبوونا ئابووریا جیهانی، سندوقێ
بەحسا وێیەکێ ژی کر، گەشبوونا ئابووریا جیهانی ب ئاوایەکێ لاواز بەردەوامە، دگەل
وێیەکێ ژی دوو دلی و دلگرانی ژی دێبلندبیت.
ئەڤە ژی د دەمەکێ دایە، پێشبینی دهێتەکرن، ل
سالا ٢٠٢١ێ ئابووری و داراییا جیهانێ ب رێژا ٥.٩%ێ گەش بکەت، لێ ل سالا ٢٠٢٤ێ ب
رێژا ٤.٩%ێ گەش بکەت، ئەڤەژی د ئەنجامێ بلندبوونا رێژا پشتراستبوونێ لسەر گەشەیا
ئابووری ب هەڤکاریا بەلاڤبوونا زێدەتر یا کۆرۆنایێ ب تایبەتی کۆرۆنایێ گۆهارتیا
دەلتا.