AM:11:40:20/04/2024
132 جار خوێندراوەتەوە
+
-
ژێدەرەکی ژ وەزارەتا داراییا حکومەتا رێڤەبرنا کاران بۆ دیجیتال
میدیایا ئێن ئاڕ تی ڕاگەهاند، لیستا مووچەیێ مەها چار یێ مووچەخۆرێن هەرێمێ هاتیە
بەرهەڤکرن و پشتی تەمامبوونا پارەدانکرنا وەزارەتا دەست ب دابەشکرنا مووچەی دهێتە
کرن، دبێژیت، "ئەگەر چ ئاریشەیەک دروست نابیت د ڤێ حەفتیێ دا دەست ب
دابەشکرنا مووچەیێ مەها نیسانێ کەن".
ئەڤرۆ شەمبی، ژێدەرەکی هایدار ژ وەزارەتا
داراییا حکومەتا رێڤەبرنا کاران بۆ دیجیتال میدیایا ئێن ئاڕ تی ڕاگەهاند، لیستا
مووچەیێ مووچەخۆران بۆ مەها نیسانێ ب تەمامی هاتیە بەرهەڤکرن و بڕیارە ژی تا کو
سوبەهی ئێکشەمبی، ٢١ـی نیسانێ رەوانەی بەغدا بهێتە کرن و پارەدارکرنا وەزارەتێن وان
کۆژمێ پارەیێ پێدڤی بۆ دابەشکرنا مووچەی رەوانەی هەرێمێ بهێتە کرن.
ئاماژە ب وێیەکێ ژی کر، ئەگەر چ ئاریشەیەک
دروست نەبیت د ڤێ حەفتیێ دا دەست ب دابەشکرنا مووچەیێ مەها نیسانێ دکەن و لدیڤ وێ
لیستێ ژی پیدڤی ب حەفتیەکێ هەیە.
بەحسا وێیەکێ ژیکر، مووچەیێ مەها چار یێ مووچەخۆرێن هەرێمێ پلەبلندکرن
دگەل نینە ژبەر کو لیستا پلەبلندکرنا مووچەخۆرێن هەرێمێ ل دەمێ دی دیارکری دا
تەمام نەبوویە.