وەزارەتا پێشمەرگەی ڕاگەهاند، خشتەیێ پلە بلندکرنا سالێن ٢٠١٨ و ٢٠١٩ێ یێن
هێزێن پێشمەرگەی ڤەگەریا وەزارەتا پێشمەرگەی.
د ڕاگەهاندنێ دا ئاماژە ب وێیەکێ ژی کریە، پشتی رێکارێن یاسایی و تەمامکرنا
رۆتیناتێن ئیداری خشتەیێ پلەبلندکرنا نەورۆز و ئەیلولێ یێت هەردوو سالێن ٢٠١٨ێ و
٢٠١٩ێ یێن ئەفسەرێن وەزارەتا پێشمەرگەی ب شایستەیان ڤە ڤەگەڕیا وەزارەتا پێشمەرگەی.
بەحسا وێیەکێ ژی کر، ژ ئالیێ فەریق روکن عیسا عوزێر سەرۆک ئەرکانێ وەزارەتا
پێشمەرگەی ڤە ئیمزا لسەر هاتیەکرن و رێکارێن ئیداری بۆ دگریتە بەر.
ل گۆرەی ڕاگەهاندنێ، سەرۆکێ ئەرکانێ وەزارەتا پێشمەرگەی ڕاگەهاندیە، کار
هاتیەکرن بۆ تەمامکرنا خشتەیێن ٢٠١٨ و ٢٠١٩ێ یێن یەکەیا ٧٠ و ٨٠، مزگینیێ ددەتە ئەفسەرێن
وان، د نێزیکترین دەمدا، فەرمانا پلە بلندکرنا وان ژی دەربکەڤیت.
ئەڤە ژی د دەمەکێ دایە، د هەیاما دەربازبووی دا ب ئاوایەکێ نەیاسایی پلەبلندکرنا
فەرمانبەرێن وەزارەتێن هەرێما کوردستانێ بێی چ هێجەتەک هاتە ڕاگرتن و دناڤ وان ژی
دا وەزارەتا پێشمەرگەی ژی هەبوو.