نزیکەی زیاتر لە یەك ملیار و ٥٠٠ ملیۆن مانگا لەسەر رووی زەوی دەژین، هاوشانی مریشک و ماسی و بەراز گۆشتەکەیان دەخورێت و وەک یەکێک لە سەرچاوەکانی پڕۆتین هەژماردەکرێت.

هەواڵێکی ماڵپەڕی الحرةی عەرەبی باس لەوە دەکات لە ساڵێکدا هەر مانگایەك ١٠٠ کلیۆگرام گازی میسان بەرهەم دەهێنێت و بەکۆی گشتی هەموو مانگاکانی سەرزەوی ١٥٠ ملیار کیلۆگرام بەرهەمدێنن، مانگاکان بەتەنیا پشت بە خواردنی گیا دەبەستن و گازی میسان لە ریخۆڵەکانیدا دروستدەبێت، گازەکەش لە شێوەی هەڵم و بای سک دەردەچێتە بەرگە هەواوە.

گازی میسان لەدوای غازی دووەم ئۆکسیدی کاربۆن بە دووەم گاز لە جیهاندا دادەنرێت کەدەبێتە هۆی گۆڕینی کەشوهەوا، لەگەڵ ئەوەشدا کارگە پیشەسازییەکانی وەکو پیرۆکیمایی و نەوت و بەرهەمهێنانی وزە و شەمەندەفەر و فرۆکە و ئۆتۆمبێل گازی مەترسیدار بۆ سەر کەشوهەوای جیهان بەرهەم دەهێنن کە زیاترە لە گازی مانگاکان و دەبێتە هۆی سوتانی گژوگیا و دارستانەکان چونکە گازی میسان ٢٨ جار لە دوانە ئۆکسیدی کاربۆنە خێراترە لە دروستکردنی کەشێکی گەرم.

گرفتێکی تری مانگا ئەوەیە کێڵگەکانی بەخێوکردنیان ٣٠%ی زەوی داگیردەکەن و لەبەرامبەردا رووبەرێکی زۆری دارستان لەناوچووە بۆ دروستکردنی کێڵگەیەك هەروەکو چۆن لەبەرازیل کێڵگەکان زیاترن لە دارستانەکان، ئەمەش لە کاتێکدایە کە دارستانەکان جگە لەوەی زەوی فێنک دەکەنەوە، دوانەئۆکسیدی کاربۆنیش هەڵدەمژن.