پەردەپڵاو یەکێکە لەو خواردنانەی لە ژەمە سەرەکییەکاندا ئامادە دەکرێت و کەرەستەی زۆر و کاتی دەوێت تاکو خواردنێکی بەتام دەردەجێت، بۆ ئەم مەبەستەش شێوازی لێنانەکەیمان خستووەتە ڕوو:

کەرەستەکانی:

یەک کیلۆ برنج

زەیت بەپێی پێویست

بادەم و پەتاتە و بەزالیا و گوێز

کشمیش

قیمە یان سنگی مریشکی کوڵاوی وردکراو

ماکەرۆنی وورد

بەهاراتی پەردەپڵاو

نانی پاقلاوە

خوێ بەپێی پێویست

ئاو بەپێی پێویست

ئامادەكردنەکەی:

سەرەتا بادەمەکە لەناو ئاوی گەرم دابنێ یان بیخە سەر ئاگر بۆ ئەوەی بەرگەکەی بە ئاسانی لێبکرێتەوە.

بادەم و بەزالیا و پەتاتە و کشمیش و گوێز و قیمەکە لەناو تاوەیەکدا بەجوانی سوربکەرەوە و کەمێک بەهاراتی پەردەپڵاوی بکە بەسەردا.

لە تاوەیەکی تردا پاستاکە سوربکەرەوە و دواتر تێکەڵی بادەم و گوێز و پەتاتە و کشمیشە سورکراوەکەی بکە.

برنجەکە بکەرە مەنجەڵێکەوە کە ڕۆنەکەی پێشتر قرچابێت، دواتر برێک ئاوی گەرم و خوێی تێبکە، دوای هەڵچنینی ئاوەکەی ئاگرەکە کز بکە و سەری داپۆشە، دوای نیو کاتژمێر لەسەر ئاگر دایبگرە.

نانی پاقلاوەکە بهێنە و چەوری بکە و بیخەرە ناو دەفری فڕنەکەوە و ڕیزێک برنج بخەرە سەری، ڕیزی دووەم کەرەستە سورکراوەکان دابنێ، بۆ چەند چینێک برنج و کەرەستە سورکراوەکان بە ڕیز دابنێ.

پارچەیەکی تر نانی پاقلاوە بکە بە سەریدا و بیخەرە فڕنەکەوە، دوای نیو کاتژمێر لەناو فڕنەکە دەریبهێنە، لەگەڵ شلەی فاسۆلیا و سەوزەدا پێشکەشی بکە.