دوو خۆشەویست لەو کاتەی لاسایی
دیمەنێکی فیلمی "تایتانیک"یان دەکردەوە، دەکەونە رووبارێکەوە و بەوهۆیەوە
کوڕەکە گیانلەدەستدەدات.
ماڵپەڕی ٢٤ الإخباري
ئاشکرایکردووە، فۆرکان و خۆشەویستەکەی ماین دینار کە هەردووکیان تەمەنیان ٢٣ ساڵ
بووە، لەسەر رووباری ئیزمیت لە تورکیا دەیانەوێت دیمەنی لیۆناردۆ دی کاپریۆ و کیت
وینسڵتی ئەکتەر لە فیلمی تایتانیک تاقیبکەنەوە و بەو شێوەیە وێنە بگرن، دەکەونە
ناو رووبارەکەوە.
ئەو دوو خۆشەویستە کە بۆ راوکردنی ماسی چوونە ناو
بەلەمێک و لە سەر رووبارێکدان، چەند جارێک ئەو دیمەنە دووبارە دەکەنەوە بۆ ئەوەی
وێنەی خۆیان بەو جۆرە بگرن، بەڵام لەناکاو هاوسەنگیان تێکدەچێت و دەکەونە
رووبارەکەوە، کوڕەکە دیار نامێنێت و کچەکە بە قەراغی بەلەمەکەوە خۆی گرتووەتەوە و بەهۆی
یارمەتیدانی غەواسێکەوە رزگاریی دەبێت.
ئ.ل