لێكدەرەوەكانی خەون شیكردنەوەی جیاوازییان هەیە
بۆ ئەو شتانەی کە لە خەودا دەبینرێن، یەکێك لەوانەش شیرینییە کە هەندێك کەس لەکاتی
خەودا دەبینن شیرینی دەخۆن.
ماڵپەڕی " مایند یۆر بەدی سۆڵ" لە بابەتێکدا
لێکدانەوەی بۆ بینینی شیرینی کردووە لە خەودا کە ئەمەش بەپشت بەستن بە وتەی شیکەرەوەکانی
خەو دیاریکراوە، بەم جۆرە:
١. بینینی شەكر لە خەودا دەکرێت مانای منداڵی باش
یان سەروەت و پارە و كاری باش بێت .
٢. ئەو كەسەی لە خەویدا شیرینی بخوات رەنگە
مانای ئەوە بگەیەنێت كە هەموو شتێكی بەرەو باش بوون دەڕوات و ژیانی باشتر دەبێت .
٣. بینینی شیرینی و خواردنی لەخەودا دەکرێت
هاوسەرگیری بێت بۆ ئەو كەسانەی هاوسەرگیریان نەكردوە و مانای نەمانی خەم و خەفەت دەگەیەنێت
، ئەو كەسەی نەخۆش بێت لە خەویدا شیرینی بخوات مانای وایە نەخۆشیەكەی چارەسەر دەبێت
و كەسێكی دیندارە .
٤. ئەو كەسەی لە خەویدا شیرینی بخوات و تامی
زۆر بەچێژبێت لای ئەوە دەکرێت مانای ئەوەبێت ئەو پارەیەی لە دەستی چوە تازە بۆی ناگەڕێتەوە .
٥. ئەو كەسەی بڕێكی زۆر شەكر و شیرینی لە خەودا
ببینێت دەکرێت مانای ئەوەبێت پارەی زۆری دەست دەكەوێت و بەختەوەر دەبێت .
٦. ئەوكەسەی لە خەویدا شیرینی بكڕێت یان بیدۆزێنەوە
دەکرێت مانای ئەوەبێت ڕەنگە شتێكی ناباش بۆی بێتە پێشەوە .