زۆرن ئەو کەسانەی کە شەوانە هەمان جلی خەو لەبەردەکەنەوە کە لە شەوەکانی دیکەدا پێوەی خەوتوون بەڵام زانایان سەلماندوویانە کە ئەم رەفتارە هەڵەیە و مەترسی بەدواوە دەبێت.

ماڵپەڕی "برایت ساید" ئاماژەی بە کۆمەڵێك لەو زیانانە کردووە کە تووشی ئەو کەسانە دەبێت بۆ چەند شەوێك هەمان جلی خەو لەبەردەکەنەوە، بەم جۆرە:

١- لە ژینگەیەکی نا تەندروستدا خەوت لێدەکەوێت، بەکتریا و خانەی مردووە دەکرێت لەسەر جلەکانت بنیشنەوە و زیان بە جەستەت بگەیەنن.

٢- رەنگە میکرۆبەکان کە لەسەر جلی خەوەکەت کەڵەکە بوون، بگوازیتەوە بۆ سەر جلەکانی ئەندامانی خێزانەکەت.

٣- کاریگەری نەرێنی دەبێت لەسەر کوالێتی خەوەکەت، هەر چۆن سەرچەفی پاک و بەتانی پاک یارمەتیدەرن تا خەوێکی باشترت هەبێت و ئاسانتر پشوو بدەیت، بە هەمان شێوە جلی پاک یارمەتیدەرە بۆ ئەوەی خەوێکی تەندروستت هەبێت.

٤- ئەو کەسانەی هەستیاری پێستیان هەیە، هەستیاریەکەیان زیاد دەکات لەگەڵ دووبارە و سێ بارە لەبەر کردنی هەمان جلی خەو.

٥- دەکرێت ببێتە هۆکارێک بۆ دروست بوونی زیپکە لەسەر پێست.

٦- دەبێتە هۆی ناخۆش بوونی بۆنی جەستە.

٧- سیستەمی بەرگریت لاواز دەبێت، کاتێک هەمان جل بۆ چەندین شەو لەسەریەک لەبەر دەکەیتەوە، چونکە هەموو ئەو سەوانە سیستەمی بەرگریت لەگەڵ ئەو میکرۆبانە دەجەنگێت کە لەسەر جلەکان هەن.