پاقلاوە یەکێك لە شیرینییە
خۆش و بەتامەکان کە دەتواندرێت لە ماڵەوە ئامادە بکرێت و لە جەژن و بۆنە و وەک
سوکە ژەم پێشکەش بە میوان و خێزانەکان دەکرێت.
پێویستییەکانی:
یەك پاکەت هەویری
پاقلاوە
٢٥٠ گرام کەرە
دوو کەوچکی گەورە ڕۆن
دوو کوپ فستق و گوێزی
ووردکراو
یەك کەوچکی بچوك هێلی
هاڕاو
نیو کەوچکی بچوك دارچینی
هاڕاو
کوپێک شیلە یان زیاتر
بەپێی ئارەزوو
ئامادەکردنەکەی:
سەرەتا کەرە و ڕۆنەکە
پێکەوە دەتوێنینەوە، پاشان فستق و گوێز و دارچین و هێلەکە پێکەوە تێکەڵ دەکەین.
پاشان قاڵبێک دێنین و
نانی پاقلاوەکە بە قیاسی قاڵبەکە دەبڕین، قاڵبەکە چەور دەکەین و ٥ـ٦ نان دادەنێین
و نێوانی نانەکەن چەور دەکەین پاشان پارچەی بچوکی نانەکە دادەنێین بە یەکسانی لە
قاڵبەکەدا و دواتر نیوەی فستق و گوێزەکەی بەسەردا دەکەین و بەیەکسانی بڵاوی دەکەینەوە.
پاشان ٦ـ۷ نانی تر دادەنێین و دووبارە نێوانیان چەور دەکەین و نیوەی
گوێز و فستقەکەی بەسەردا دەکەین و بەیەکسانی بڵاوی دەکەینەوە بەسەر هەموو نانەکەدا.
دواتر چەند نان ماوە
دایدەنێین بەهەمان شێوە نێوانیان چەور دەکەین و لەکۆتایدا ئەگەر لە لێوارەکانییەوە
نانی زیادە هەبوو دەیبڕین و دواتر ڕووی نانەکە بەباشی چەور دەکەین و بە هەر شێوازێک
کە پێمان جوانە دەیبڕین و دەیکەینە فڕنەوە بە پلەی ١٨٠ دەرەجە، سەرەتا بەشی ژێرەوەی
پاشان سەرەوەی دەبرژێنین و ڕاستەوخۆ پاش برژاندنی هەر به گەرمی شیلەی ساردی بەسەردا
دەکەین.
بۆ شیلەکە:
دوو کوپ شەکر
یەک کوپ ئاو
پارچەیەک لیمۆ بە توێکڵەوە
هەموو کەرەستەکان تێکەڵ
دەکەین و دەیکەینە سەر ئاگر تا دێتە کوڵ پاشان ئاگرەکەی بۆ کز دەکەین بۆ ماوەی
٧-١٠ خولەك تا خەست دەبێتەوە پاشان دەتوانین هێل و گوڵاوی بۆ زیاد بکەین.
ئ.ل