بەڕێوەبەرایەتی گشتی کەشناسی و بومەلەرزەزانیی هەرێم راگەیەنراوێکی بڵاوکردەوە
و تێیدا هاتووە، ئەمڕۆ سێشەممە، ئاسمان نیمچەهەور دەبێـت، لە هەندێک لە ناوچە
شاخاوییەکان هەوری تەواو دەبێت و لێزمەباران دەستپێدەکات و هەورەبروسکەی لەگەڵدا دەبێت.
ئاماژەی بەوەش کردووە، لە هەندێک کاتدا بارانبارین و هەورەبروسکە سەنتەری
پارێزگای دهۆک و ئیدارەی سەربەخۆی زاخۆ دەگرێتەوە، لە کاتەکانی دوای نیوەڕۆ تاوەکو
ئێوارە لە سەنتەری پارێزگاکانی هەولێر و سلێمانی و کەرکوک و هەڵەبجەش تاوەباران و
هەورەبروسکە دەبێت.
باسی لەوەش کردووە، لە شەودا ئاسمان لە سەرجەم ناوچەکان بۆ نیمچەهەور دەگۆڕێت
و پلەکانی گەرما چەند پلەیەک دادەبەزن.
ئەوەشی خستووەتە روو، سبەی چوارشەممە، ئاسمان نیمچەهەور دەبێت ئەگەری نمەباران
لە هەندێک ناوچەی جیاواز هەیە و بڕی دابارین لەسەر ناوچە شاخاوییەکان زیاتر دەبێت،
هاوکات پلەکانی گەرما ١ بۆ ٣ پلە بەرز دەبنەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر : ٢١
سلێمانی : ٢٠
دهۆک : ٢١
کەرکوک : ٢٥
هەڵەبجە : ٢٢
زاخۆ : ٢٠
سۆران : ١٤
حاجی ئۆمەران : ١٠
گەرمیان : ٢٩
S.A