مریشکی پیر یەکێکە لەو جۆرانەی مریشك کە تام و چێژێکی تایبەت و خۆشی هەیە و بە ئاسانی ئامادە دەکرێت.

لێرەدا شێوازی لێنانەکەی دەخەینەڕوو:

مریشكی پیر

خوێ بەپێی پێویست

زەیت

گەڵای غار

پیاز یان لیمۆ بەپێی ئارەزوو

مریشکەکە بشۆرەوە و بیکەرە مەنجەڵێکەوە بەبێ ئەوەی ئاو و خوێی تێبکەیت، بیکەرە سەر ئاگرێکی مامناوەند تا کەمێك ئاو دەداتەوە، ئینجا چاوەڕێ بکە تا ئاوەکەی هەڵدەمژێت و سووردەبێتەوە.

دواتر ئاو و خوێ و گەڵای غاری تێبکە لەگەڵ کەمێك زەیت، ئەگەر ئارەزوو دەکەیت دەتوانیت چەند قاژێك لیمۆ یان پیازی تێبکەیت.

دەتوانیت ئاوی زۆر تێنەکەیت گەر دەتەوێت هەموو ئاوەکەی هەڵبمژێت و گۆشتەکەی ناسك بێت، ئەگەریش ئارەزوو دەکەیت ئاوی هەبێت ئەوا کەمێك زیاتری تێبکە.

بیکەرە سەر ئاگرێکی کز و سەری دابخە تا بۆماوەیەکی باش دەکوڵێت و بەتەواوەتی پارچەکانی نەرم دەبێتەوە و ئامادە دەبێت بۆ خواردن.