ڕیش یەکێکە لە تایبەتمەندییەکانی پیاوان و لە سەردەمی ئەمڕۆدا زۆرێک لە پیاوان ڕیشیان دەهێڵنەوە و زۆرێک پێیان وایە کە شێوەیەکی سەرنجڕاکێشیان پێ دەبەخشێت و ڕەنگدانەوەیەکە بۆ کەسایەتییان، بەڵام بەشێک لە پیاوان کێشەیان هەیە لە گەشەکردنی ڕیشیاندا و چەند هۆکارێک هەن کە دەکرێت یارمەتی درێژکردنەوەی ڕیش بدەن.

ماڵپەڕی Healthlineئاماژەی بە چەند ڕێگەیەکی ئاسان کردوە بۆ گرنگیدان بە ڕیش تا بە شێوازێکی تەندروست درێژ ببێت و پڕ ببێت، بەمجۆرە:

یەکەم: خواردنی ئەو خۆراکانی کە ڕێژەیەکی باشی ڤیتامینD یانتێدایە وەک ماسی و هێلکە و ئەو خۆراکانەی کە شیریان تێدا بەکاردەهێندرێت.

دووەم: دوورکەوتنەوەی لە کێشانی جگەرە چونکە توێژینەوەکان ئەوەیان سەلماندووە کە ماددەی کیمیایی زۆر هەیە لە جگەرەدا کە دەبنە هۆی ڕوتانەوەی قژ و ڕیش.

سێیەم: پاش ئەوەی ڕیشت درێژبوویەوە ئینجا گرنگی بە پێست بدە و بە پاکی ڕایبگرە و ئەگەر تووشی هەستیاری بوو پاککەرەوەی بۆ بەکاربهێنە و بەردەوام کرێمی شێدارکەرەوەی لێ بدە.

چوارەم: وەرزش بکە، چونکە وەرزشکردن سووڕی خوێن چالاكدەکات، هەروەها ڕێژەی دروستکردنی هۆرمۆنی تێستیرۆن زیاد دەکات، بەمەش درێژبوونەوەی ڕیش و قژ باشتر دەبێت و پڕدەبن.

پێنجەم: ماندووبوون و دڵەڕاوکێ و فشار جگە لە زیانەکانی بۆ لایەنی دەروونی و جەستەیی، کاریگەریی لەسەر درێژبوونەوەی ڕیشی پیاوان دەبێت و زۆرکات دەبێتەهۆی لاوازبوونی تاڵەکانی قژ و ڕیش بۆیە هەوڵبدە لە دڵەڕاوکێ بەدووربیت.

پێنجەم:خواردنی تەندروست بخۆ و ئەو خواردنانە بخۆ کە پرۆتین لە پێکهاتەیاندا هەیە لەگەڵ میوە دەوڵەمەندەکان بە ڤیتامین C، هەروەها لە ڕێگەی حەبەوە ئاسن و زینك و مس و ڤیتامین وەربگرە بەڵام بە ئاگاداری پزیشک.

شەشەم: زەیت بەکاربهێنە بۆ ڕیشت و بەردەوام شێداری بکە، چونکە زەیت لە تیشکی خۆری بەهێز و لە سەرما دەیپارێزێت و خۆراکەکانی بۆ دابیندەکات.