ترخێنە یەکێکە لە خواردنە ناسراوەکانی خوانی کوردەوارییە بە تام و چێژەکان بە تایبەت لە وەرزی زستانو کاتی سەرماوسۆڵەدا، لە هەمان کاتدا کۆمەڵێک سوودی ته‌ندروستی هەیە.

دکتۆر کامه‌ران رسوڵ ژاژڵه‌یی پسپۆڕی زانستی خۆراک ئاماژەی بە گرنگترین سوودەکانی خواردنی ترخێنە کردووە کە بریتین لەمانە:

١ . بەهێزکردنی کۆئەندامی بەرگری لەش و خۆپاراستن لە هەڵامەت و پەتای وەرزیەکان.

٢ . یارمەتی گەرمکردنەوەی جەستە و بەرگەگرتنی سەرما دەدات جگە لە پێدانی وزە بە جەستە.

٣ . بە کەڵکە بۆ دابه‌زاندنی کێش لە کاتی ڕێجیم و ڕێگریکردن له‌ قه‌ڵه‌وبوونه‌وه‌ و زۆری کێش: چونکه‌ بڕێکی که‌م کالۆری تێدایه‌ و ده‌وڵه‌مه‌نده‌ به‌ مادده‌ ڕیشاڵیه‌کان و ئاو و مرۆڤ هه‌ست به‌ تێری ده‌کات.

٤ . به‌هێزکردنی یادەوەری و کاراکردنی خانەکانی مێشک و کۆئەندامی دەمار.

٥ . کاراکردنی کۆئه‌ندامی هه‌رس و ڕێگه‌ گرتن له‌ قه‌بزی.

٦ . خۆپاراستن له کەمی ماددەی ئاسن و کەمخوێنی و چارەسەرکردنی.

٧ . یارمەتی خۆپاراستن له‌ نه‌خۆشیەکانی دڵ و ته‌سکبوونه‌وه‌ی خوێنبه‌ره‌کان.

۷ . خۆپاراستن له‌ هەندێک جۆری شێرپه‌نجه‌.

۸ . ڕێگریکردن له‌ نه‌خۆشی نه‌رم بوونه‌وه‌ی ئێسک و که‌مکردنه‌وه‌ی نیشانه‌کانی.
ر.ئ