موقتەدا سەدر ڕێبەری ڕەوتی سەدر رایگەیاند، دوژمن بانگەشەی هێرش دەکات و کەسانێکیش لە ناوخۆ کار لەسەر بڵاوکردنەوەی ترس و تایفەگەری دەکەن تا دواتر خۆیان وەک پارێزەری عێراق نیشانبدەن.
موقتەدا سەدر رایگەیاند، کەتیبەکانی سەرایا سەلام و هێزەکانیان شانبەشانی سوپای عێراق لەوپەڕی ئامادەباشیدان بۆ روبەڕوبوونەوەی هەر مەترسیەک.
باسی لەوەشکرد،
نابێت هێرشی دوژمنان ویستی گەلی عێراق بۆ ئەنجامدانی چاکسازی و پێکهێنانی حکومەتێکی
زۆرینەی نیشتیمانی کەمبکاتەوە.
ئاماژەی بەوەشکرد، کە پێویستە حکومەتی عێراق تواناکانی
سوپای عێراق لەبەرچاو بگرن و رێزی لێبگرن و ئەرکی سەرشانی هێزەکانیش ئەوەیە پارێزگاری
لە عێراق و گەلەکەی بکەن و لەوشدا کەمتەرخەم نەبن.
قسەکانی سەدر
لە دوای ئەوە دێت رۆژی هەینی ڕابردوو چەکدارانی داعش پەلاماری یەکەیەکی سوپای عێراقیاندا
لە ناوچەی عوزێمی سەر بە پارێزگای دیالە و بەو هۆیەوە ئەفسەرێک و ١٠ سەرباز
کوژران.