دوای داخستنی دەروازەکە، سەرجەم جموجوڵە بازرگانی و گەشتەکان و تەنانەت تێپەڕبوونی تاکە کەسیش راگیران، سەرەڕای ئەوەی ئەمریکا نزیکەی ٩٠٠ سەربازی لەناوچەکە و باکوری سوریا جێگیرکردبوو.

بەگوێرەی ماڵپەڕی ئەلمۆنیتەر، دوای ئەوەی زیاتر لە مانگێک ئەمریکا ناوەندگیری لەنێوان حکومەتی هەرێم و ئیدارەی خۆسەری رۆژئاوا کرد، دواجار حکومەتی هەرێم بڕیاریدا لە مانگێکدا دووجار دەروازەی سێماڵکا بکاتەوە، بە مەرجەی ناو و لیستی ئەو کەسانە بدرێتە دەروازەکە تا وردبینی تێدا بکرێت.

ماڵپەڕەکە ئەوەشی ئاشکرا کردووە، لە ٢٣ی کانونی یەکەم برێت مەکگۆڕ پەیکی کۆشکی سپی بۆ کاروباری خۆرهەاتی ناوەڕاست و باکوری ئەفریقا پەیوەندییەکی تەلەفۆنی لەگەڵ مەسرور بارزانی ئەنجامداوە. هەروەها، لە رێکەوتی ٧ی کانونی دووەم لە شاری هەولێر مەزڵوم کۆبانی لەگەڵ نێچیرڤان بارزانی سەرۆکی هەرێم کۆبوونەوە و لەبارەی کەیسەکەوە گفتوگۆیان کردووە.

ماڵپەڕەکە ئەوەشی خستووەتەڕوو، مەسرور بارزانی سەرۆکی حکومەتی هەرێم بڕیاری داخستنی دەروازە سنورییەکەی داوە.

حکومەتی هەرێم رەتی کردووەتەوە بەشێوەیەکی تەواوەتی و بەردەوام دەروازکە بکاتەوە، بە بیانوی پاراستنی ئەو خێزانانەی لەناوچەکەدا لە کەمپدا دەژین. مەرجێکی دیکەی حکومەتی هەرێم ئەوەبووە، ئیدارەی خۆسەری رۆژهەڵات و سوریا رێگە بدات رێکخراوی خێرخوازی بارزانی کار و چالاکییەکانی ئەنجامبدات، چونکە پێشتر بەبیانوی ئەوەی رێکخراوەکە هاوکاری سیخورەکانی تورکیا دەکات سەرجەم چالاکییەکانی راگیرابوون.