پارتی هەمیشە بەڵێنی گەورە و قەبەی بە هاوڵاتیانی ئەم هەرێمە داوە، بەڵام جێبەجێیان نەکردووە و گوزەرانی هاوڵاتیانیان خراپتر کردووە، لە ساڵی ٢٠١٤ـەوە پارتی دەست لە ناو دەست لەگەڵ یەکێتی دەستیان بە فرۆشتی نەوت کرد و بودجەیەکی زەبەلاح کە لە بەغدادەوە دەهات بڕییان، هەڵبژاردنی ١١ـی ١١ـش دوا دەرفەتە و هاوڵاتیان دەتوانن کۆتایی بە دەسەڵاتی ئەو دوو حزبە بهێنن.
ئەمیان دەیوت، نەوتیان خستووەتە خزمەت ئاوەدانی کوردستانەوە و ئەوی دیکەیان دەیوت، خەڵکی هەرێم دەکەن بە شەریک لە داهاتی نەوت و پارتی کە لافی ئەوە لێدەدات گەورەترین حزبە لە هەرێم و عێراق، هەمیشە بەڵێنی قەبە و گەورەش دەدات، بەڵام لەسەر ئەرزی واقع ژیانی خەڵک، شتێکی تەواو جیاواز دەردەخەن.
ئەو نەوتەی ئەوان باسی دەکەن، لەوەتەی لە ٢٠١٤ـەوە بە سەربەخۆ لەگەڵ یەکێتی دەستیان بە فرۆشتنی کرد
و بووەهۆی راگرتنی بودجەیەکی زەبەلاح لە بەغداوە بۆ هەرێم و بەوهۆیەشەوە زیاتر لە ٦٠
مووچەی مووچەخۆرانیان خوارد یان بە روبعە مووچە پێیان دان، هەرچی ئاوەدانیەکەشە،
هەر لەو کاتەوە زیاتر لە حەوت هەزار پرۆژە راگیراون بەجۆرێک روو لە شار و
شارۆچکەیەک دەکەیت چەندین پرۆژەی تەواونەکراو دەبینیت.
پارتی و مەسرور بارزانی بە قسە هیچ نەماوە بۆ گەنجانی نەکەن بەڵام داتاکان
شتێکی تر دەڵێن، ئەوەتا زیاتر لە ٧٠٠ هەزار دەرچوی زانکۆ هەن کە دانەمەزراون و ئەم
دەسەڵاتە بێکار هێشتونیەتەوە، رۆژانەش بەشێکی گەنجان لەتاو نادادی ئەم دەسەڵات
سەری خۆیان هەڵدەگرن و هەندێکیشیان هەر لەو ریگەیە سەردەنێنەوە.
هەر ئەو پێشمەرگە و کەسوکاری شەهیدانەی باسی کرد، حکومەتە ماوەبەسەرچووەکەی
خۆی سەرۆکایەتی دەکات، سێ مانگ جارێک مەوچەیەکی کەمی پێداون لە دۆخێکدان کەس
ئێرەیی پێنابات.
هەرچۆنێک بێت، رۆژان رۆژی لەدوایە و هەڵبژاردنی ١١ـی ١١ خەڵک دەتوانن بە
دەنگەکانیان کۆتایی بەم بێباکییەی پارتی و بەڵێنە بێکردارەکانی بهێنن.