PM:07:23:27/10/2025
676 جار خوێندراوەتەوە
بەشێک لە چالاکوانانی کورد لە بەریتانیا یادی گیانلەدەستدانی مامۆستا جیهان تەهایان کردەوە و وتیان پارتی و یەکێتی ئازادیەکانی خەڵکیان قۆرخکردووە و داوایان لە خەڵکی هەرێمی کوردستان کرد دەنگ نەدەن بەو دوو حزبە.
ئەمڕۆ دووشەممە ٢٧ـی تشرینی یەکەمی ٢٠٢٥، بەشێک لە چالاکوانانی کورد لە شارەکانی نیوکاسڵ ، مانچستەر، گلاسگۆ، بە بۆنەی دووەمین ساڵرۆژی تیرۆرکردنی مامۆستای حەقبێژ جیهان تەها، گردبوونەوە و چالاکییەکی گەورەیان ئەنجامدا و داوای لێکۆڵینەوە و دەستگیرکردنی ئەو لایەن و کەسانەیان کرد کە پلان دانەری ئەو تیرۆرە بوون.
رێکخراوی ١٧ـی شوبات ئەوەشیان وت، مامۆستا جیهان تەها کە دوو ساڵ لەمەوبەر
و لە شاری هەولێر لە چەند چاوپێکەوتنێکدا وەک مامۆستای دانەمەزراوی وانەبێژ داوای
خۆپێشاندانی دەکرد لە مامۆستا و وانەبێژانی هەولێر هاوشێوەی مامۆستا و وانەبێژانی
دانەمەزراوی سلێمانی بەڵام بەداخەوە لە ڕووداوێکی تەم و مژاویدا تیرۆر کرا.
بۆیە رێکخراوی
حەڤدەی شوبات دوای دوو ساڵ تێپەڕین بەسەر تیرۆرکردنیدا داوای لێکۆڵینەوە و دەستگیرکردنی
ئەو لایەن و کەسانەی بکوژ و پلان دانەری ئەو تیرۆرە بوون و دادگایی کردنیان لە
دادگایەکی سەربەخۆ و ئازاد دا.
ئاوات جەمال
ساڵح
