PM:06:24:27/10/2025
896 جار خوێندراوەتەوە
نرخی زێڕ دابەزینێکی بەرچاوی تۆمارکرد و بە سێ هەزار و ٩٧٤ دۆلار مامەڵەی پێوەکرا و بەراورد بە دوێنێ ٣٪ـی بەهاکەی لەدەستدا و مسقاڵێک زێڕی عەیارە ٢١ـیش بە ٨١٠ هەزار دینار مامەڵەی پێوەدەکرێت و بەراورد بە بەیانی ئەمڕۆ نزیکەی ٢٠ هەزار دینار نرخەکەی دابەزیەوە.
ئەمڕۆ دووشەممە ٢٧ـی تشرینی یەکەمی ٢٠٢٥، نرخی ئۆنسەیەک زێڕ لە بازاڕەکانی جیهاندا بە سێ هەزار و ٩٧٤ دۆلار مامەڵەی پێوەدەکرێت و بەراورد بە دوێنێ نزیکەی ٨٠ دۆلار لە نرخەکەی دابەزی.
دوابەدوای راوەستانی
شەڕی غەززە و لێدوانەكانی ئەم دواییەی دۆناڵد ترەمپ، سەرۆكی ئەمریكا بۆ كۆتایی
هێنان بە شەڕی ئۆكراینا و كۆبوونەوەی بەم زووانەی لەگەڵ سەرۆكی چین و خاوبوونەوەی
گرژییەكانی ڕۆژهەڵاتی ناوەڕاست نرخی زێڕ بەردەوامە لە دابەزین و نرخی یەك ئۆنسە لە
چوار هەزار و ٤٠٠ دۆلارەوە دابەزیوە بۆ سێ هەزار و ٩٧٤ دۆلار.
پێگەی سی ئێن بی سی ئەمریکی بڵاویکردەوە، هۆکاری
سەرەکیی دابەزینی نرخی زێڕ دەگەڕێتە بۆ گەشبینی بازرگانان لەوەی ئەمریکا و چین
بگەنە رێککەوتنێکی بازرگانیی، هۆکارێکی دیکەش بۆ چاوەڕوانی مامەڵەکاران و
بازرگانانە کە بانکی ناوەندیی ئەمریکا رێژەی سوود داببەزێنێت.
