PM:02:46:02/10/2025
464 جار خوێندراوەتەوە
هاتووچۆی گەرمیان سەرجەم لایەن و کاندیدەکانی هەڵبژاردن ئاگاداردەکاتەوە و دەڵێت، نابێت پۆستەر و وێنەکانیان ببێتە هۆی ئاستەنگی هاتووچۆ؛ بە پێچەوانەوە رووبەرووی یاسا دەبنەوە.
ئەمڕۆ پێنجشەممە ٢ـی تشرینی یەکەمی ٢٠٢٥، بەڕێوەبەرایەتی هاتووچۆی گەرمیان بڵاویکردەوە، پێویستە لایەنەکان و کاندیدەکان رەچاوی هاتووچۆ بکەن و لە ماوەی بانگەشەی هەڵبژاردندا، وێنە و پۆستەری کاندیدان و پارتەکانیان لەو شوێنانە دانەنێن کە دەبێتە هۆی شاردنەوەی هێماکانی هاتووچۆ و گڵۆپی ترافیک لایتەکان.
دەشڵێت،
پێویستە پۆستەر لەسەر شۆستە و لە بەرامبەر هێڵەکانی پەڕینەوە دانەنێن کە ئاستەنگی
هاتووچۆیی دروست دەکات، بە پێچەوانەوە داوای یاسایی لە سەر لایەنی سەرپێچیکار
تۆمار دەکەن و پۆستەرەکانیان لێ دەکرێنەوە.
