AM:09:30:02/10/2025
804 جار خوێندراوەتەوە
دوای ٤٨ کاتژمێر لە هاتنی پارە، ئەمڕۆ حکومەتی ماوەبەسەرچوو دەستیکرد بە دابەشکردنی مووچەی مانگی حەوت و لەبەردەم بانکەکان قەرەباڵخییەکی زۆر دروست بووە و ئەوەش گرفتنی بۆ موچەخۆران دروست کردووە.
ئەمڕۆ پێنجشەممە ٢ـی تشرینی یەکەمی ٢٠٢٥، دەستکرا بە دابەشکردنی مووچەی مانگی حەوت و بەپێی خشتەی مووچەش، رۆژی شەممە دابەشکردنی مووچە بەردەوام دەبێت و وەزارەتەکانی ئاوەدانکردنەوە و نیشتەجێکردن و تەندروستی، ناوخۆ، داد و ئەنجوومەنی دادوەری و پلاندانان، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو و شارەوانی و گەشتوگوزار مووچە وەردەگرن.
هاوکات رۆژی
یەکشەممەش وەزارەتەکانی، کار و کاروباری کۆمەڵایەتی و رۆشنبیری و لاوان، کارەبا،
ئەوقاف، خوێندنی باڵا، سەرۆکایەتییەکانی پەرلەمان و ئەنجوومەنی وەزیران و هەرێم،
پێشمەرگە و یەکەی ٧٠ و ٨٠، پۆلیسی نەوت و ئەنجوومەنی ئاسایش و دەزگای ئاسایش و
هێزی زێرەڤانی و فەرماندەی بەرگریی فریاکەوتن مووچە وەردەگرن.
