PM:03:43:06/05/2024
26132 جار خوێندراوەتەوە
ئەمڕۆ لە چیای کۆدۆ لە سنووری حاجی ئۆمەران بەفرێکی نوێ باری و کەشناسی هەرێمیش دەڵێت، پلەکانی گەرما نزم دەبنەوە و بارانی بەخوڕ دەبارێت، رێژەی دابارینیش لە ناوچە شاخاوییەکان و ناوچەکانی باکووری رۆژهەڵات و رۆژهەڵاتی (پارێزگاکانی سلێمانی و هەڵەبجە) زیاتر دەبێت.
ئەمڕۆ دووشەممە، کەشناسی هەرێم رایگەیاند، ئاسمان هەوری تەواو دەبێت، نمەبارانیشی لەگەڵدا دەبێت و ناوبەناو بۆ تاوەباران و هەورەبروسکە دەگۆڕێت.
سەبارەت
بە کەشی سبەی سێشەممە ئاماژەی بەوە کردووە، لە کاتەکانی بەیانى زوودا لە سنوورى
باشووری پارێزگاى دهۆک و سنوورى پارێزگاى هەولێر تاوەبارانی مامناوەند و هەورەتریشقە
دەستپێدەکات.
ئەوەشی
خستووەتە روو، دواتر کاریگەری ئەو شەپۆلە بۆ تەواوی ناوچەکانی هەرێم درێژ دەبێتەوە،
لەکاتەکانی ئێوارەدا کاریگەرییەکەی لاواز دەبێت.
سەبارەت
بە پەلەکانی گەرما باسی لەوە کردووە، ئەمڕۆ و سبەی بە تێکڕا ٦ پلە لە سەرجەم
ناوچەکانی هەرێم دادەبەزن.
کەریم کەیفی - سۆران