AM:11:08:02/05/2024
7604 جار خوێندراوەتەوە
وەزارەتی دارایی و ئابووری عێراق رایگەیاند، دەست بە دابەشکردنی مووچەی مانگی پێنجی خانەنشینانی شارستانی و سەربازی دەکەن.
وەزارەتی دارایی و ئابووری عێراق راگەیانراوێکی بڵاوکردەوە و تێیدا هاتووە، ئەمڕۆ دەست بە دابەشکردنی مووچەی مانگی پێنجی خانەنشینانی شارستانی و سەربازی دەکەن و خانەنشینان دەتوانن مووچەکانیان وەربگرن.
ئەوەش هاتووە،
خانەنشینان کورتەنامەیەکیان پێدەگات و لە رێگەیەوە پێیان رادەگەیەنرێت کە
مووچەکەیان خراوەتە سەر هەژماری بانکیان و دەتوانن بچنە نزیکترین پەنجەرەی بانکی ئەلیکترۆنی
و مووچەکانیان رابکێشن.
ئەوەش لە کاتێکدایە،
مانگانە عێراق هەموو ١ی مانگێک دەست بە دابەشکردنی مووچەی خانەنشینانی دەکات و بەر
لە هەموو دامودەزگاکانی دیکە خانەنشینان مووچە وەردەگرن، جگە لەوەی چەندین کارئاسانییان
بۆ دەکرێت لە وەرگرتنی قەرز و پێشینەی بانکی.
