بانکی ناوەندیی عێراق رایگەیاند، لە خستنەڕووی ئەمڕۆدا بە تێکڕا زیاتر لە ٢٤٩ ملیۆن دۆلاریان بەشێوەی کاش و حەواڵە بە نرخی فەرمی بانکی ناوەندی خستووەتە بازاڕەوە.
ئەمڕۆ دووشەممە، بانکی ناوەندیی عێراق لەڕێگای سەکۆی ئەلیکترۆنی خستنەڕووی دۆلارەوە رایگەیاند، بە تێکڕا ٢٤٩ ملیۆن و ٩٥٠ هەزار و ٩٢٣ دۆلاریان بە نرخی فەرمی بانکەکە بە بانک و بازرگانەکان فرۆشتووە.
ئاماژەی بەوەش کردووە، لەو رێژەیە بڕی ١٤ ملیۆن
و ٣٣٠ هەزار دۆلاری بەشێوەی کاش بووە، بەراورد بە فرۆشی کاش لە دوێنێ یەکشەممە زیادی
کردووە بەوپێیەی لە دوێنێدا حەوت ملیۆن و ٨١٨ هەزار و ٩٢٠ دۆلاری بەشێوەی کاش
خستووەتە بازاڕەوە.
هاوکات، بڕی ٢٣٥ ملیۆن و ٦٢٠ هەزار و ٩٢٣ دۆلاری
بەشێوەی حەواڵەی دەرەکی بووە.
لە ئێستاشدا، لە بازاڕی دراوەکانی هەرێم ١٠٠ دۆلار
بە ١٤٧ هەزار و ٣٠٠ دینار مامەڵەی پێوە دەکرێت.
رۆژی ٢٢ـی مانگی ئازار، بانکی ناوەندیی عێراق رایگەیاند،
لەماوەی ١٧ـی ئازار تاوەکو ٢٠ـی ئازار لەلایەن بانکەکان و سەرجەم بازرگانانەکانەوە
داواکاری بۆ کڕینەوەی نزیکی یەک ملیار دۆلار پێشکەش کراوە، کە ئەوەش بە بەرزترین رێژەی
فرۆشی هەفتانە دادەندرێت لە ماوەی سێ ساڵی رابردوودا.