چاوگێک لە ئەنجومەنی وەزیرانی عێراقەوە بە ئێن ئاڕ تی راگەیاند، بڕیارە ئەمڕۆ بڕێک پارەی دیکە لە بەغداوە بگاتە هەرێم بۆ دابەشکردنی مووچە.
ئەو چاوگە باسی لەوەشکرد، هێشتا کاتی ناردن و بڕی پارەکە دیاری نەکراوە و لە چەند کاتژمێری داهاتوودا ئاشکرا دەکرێت.
دوێنێ شەممە، وەزیری دارایی حکومەتی کاربەڕێکەری هەرێم لە دیدارێکیدا لەگەڵ
چەند رۆژنامەنووسێک رایگەیاند، بۆ دابەشکردنی مووچە چاوەڕێی بڕیاری ئەنجومەنی وەزیرانن
و تا ئێستا هیچ بڕیارێکی لێ نەدراوە. وتیشی، "داهاتی ناوخۆ مانگانە لە نێوان
٣٠٠ بۆ ٣٥٠ ملیار دیناردایە".
پێشتر ئێن ئاڕ تى ئاشکرای کرد، پارتى و یەکێتى بە هاوبەشى بریارى راگرتنى
موچەیان داوە سەرەڕای بەردەستبوونى داهات، بەو پێیەى لە ئێستادا حکومەتى کاربەڕێکەر
٦٠٧ ملیار دینارى بەغدا و پارەى پێنج مانگی داهاتى ناوخۆشی لەبەردەستە، ئەوە جگە لە
٢٢ ملیار دینارى هاوکاریی هاوپەیمانان و داهاتى فرۆشتنى نەوت بەوەش پارەى زیاتر لە
دوو مووچە بەردەستە بەڵام حکومەتى کاربەڕێکەر بە مەبەست مووچە دابەش ناکات.