PM:05:21:19/03/2024
620 جار خوێندراوەتەوە
دەروازەی نێودەوڵەتی حاجی ئۆمەران راگەیاند، لە رۆژانی نەورۆزدا هامووشۆی بازرگانی و گەشتیاری لە دەروازەکەیاندا بەردەوام دەبێت و راناوەستێت.
ئەمرۆ سێشەممە دەروازەی نێودەوڵەتی حاجی ئۆمەران رایگەیاند، ئاگاداری کۆمپانیاکان و بازرگانان و تەواوی هاوڵاتیان دەکەنەوە لە رۆژانی نەورۆزدا هامووشۆی بازرگانی و گەشتیاری لە دەروازەکەیاندا بەردەوامی دەبێت.
ئاماژەی بەوەش کردووە، بەهەمان شێوە لە دەروازەی سنووری تەمەرچینی ئێران
لە رۆژانی نەورۆزدا هامووشۆ بەردەوامی دەبێت و راناوەستێت.
هاوکات، بە گوێرەی رۆژژمێری حکومەتی کاربەڕێکەری هەرێم، رۆژانی ٢١ و
٢٢ و ٢٣ـی ئەم مانگە لە سەرتاسەری هەرێم پشووی فەرمیی دەبێت و دوێنێ حکومەتی عێراق
رایگەیاند، بەبۆنەی جەژنی نەورۆزەوە رۆژی پێنجشەممەی ئەم هەفتەیە لە سەرجەم دام و
دەزگاکانی دەوڵەت پشووی فەرمییە.
