لەلایەکی تریشەوە بەهۆی کوالێتی نەوتەوە، عێراق نەوتەکەی لە بازاڕەکاندا بە چوار دۆلار کەمتر دەفرۆشێت و لە ئێستاشدا یەک بەرمیل نەوتی عێراق بە ٨١ دۆلار مامەڵەی پێوەدەکرێت.

هاوکات چاودێرانی ئابووریش ئەم بەرزبوونەوەیەی نرخی نەوت دەگەڕێننەوە بۆ کەمبوونەوەی نەوتی خاو لە کۆگاکانی ئەمریکادا و زۆربوونی خواستی جیهانی لەسەر نەوتی خاو هاوکات فراوانبوونی گرژی و ئاڵۆزییە هەرێمییەکانی رۆژهەڵاتی ناوەڕاست.

لەلایەکی تریشەوە دوینێ چوارشەممە، فڕۆکە بێ فرۆکەوانەکانی ئۆکرانیا، یەکێک لە پاڵاوگە گەورەکانی نەوتی روسیایان کردە ئامانج بە ناوی روسنفت، کە ئەو هێرشە بەیەکێک لە هێرشە بەهێزەکانی ئۆکرانیا دانرا لە ماوەی چەند مانگی رابردوودا، ئەوەش راستەوخۆ کاریگەری خێرای لەسەر نرخی نەوتی خاو دروست کرد بەوەی کە ئاستی دەستڕاگەیشتنی جیهان بە نەوت بەرێژەی ٨٪ کەمبووەوە.

ئەوەش لە کاتێکدایە، ماوەی شەش مانگە، جەنگی نێوان حەماس و ئیسرائیل و گرژییەکانی دەریای سوور لەنێوان ئەمریکا و وڵاتانی هاوپەیمانی و گروپە لەیاسا دەرچووەکانی یەمەن سەری هەڵداوە، ئەو گروپە لەیاسا دەرچووانە هێرشدەکەنە سەر کەشتییەکانی گواستنەوەی نەوت لە دەریای سوور و ئەوەش بووەتە هۆی بەرزی نرخی نەوت لە بازاڕە جیهانییەکاندا بۆ سەروو ٨٠ دۆلار.