PM:01:17:03/03/2024
1272 جار خوێندراوەتەوە
وەزارەتی دارایی عێراق رایگەیاند، دەستیانکردووە بە دابەشکردنی مووچەی مانگی سێی خانەنشینانی سەربازیی و مەدەنی.
ئەمڕۆ یەکشەممە، وەزارەتی دارایی عێراق لە راگەیەندراوێکدا بڵاویکردەوە، بۆ دابەشکردنی مووچەی مانگی سێی خانەنشینان، بەشی ژمێریاری وەزارەتەکەیان راسپاردووە بە دابینکردنی پارە و دابەشکردنی بەسەر خانەنشینانی مەدەنی و سەربازی.
ئەوەشی خستەڕوو، رێکارەکانی بەرزکردنەوەی مووچە لەلایەن
دەسەڵاتی خانەنشینی نیشتمانی و بانکەکانی رافیدەین و رەشید لەڕێگەی کارتی پارەدانی
ئەلیکترۆنی خۆیانەوە تەواو دەکرێن.
ئەوەش لە کاتێکدایە، مووچەخۆرانی هەرێم تا ئێستا مووچەی
مانگی دوویان پێنەدراوە و دەسەڵاتی هەرێمیش سەرباری هەبوونی داهاتی ناوخۆ؛ ئامادە
نییە بۆ مووچەی فەرمانبەرانی تەرخان بکات و چاوەڕێی بەغدایە پارەی بۆ بنێرێت.
