AM:08:14:03/03/2024
840 جار خوێندراوەتەوە
زیاتر لە چوار رۆژە نرخی نەوت لە ٨٣ دۆلاردا بە جێگیری ماوەتەوە و ئەوەش هەنگاوێکی ئەرێنییە بۆ بازاڕەکانی جیهان و بەتایبەت عێراق، هاوکات ئەمڕۆ لە بازاڕەکانی جیهاندا پشووە و نرخی بەرمیلێک نەوتی خاوی برێنت بە ٨٣ دۆلار و ٥٥ سەنت مامەڵەی پێوەدەکرێت.
ئەمڕۆ یەکشەممە، پاش ئەوەی رۆژی رابردوو نەوتی رۆژئاوای تێکساس بە رێژەی ١.٧١٪ بەرزبوونەوەی بە خۆیەوە بینی بەهۆی ئەوەی ئاستی پێشبینیکراوی یەدەگی نەوتی ئەمریکا زیاتربووە لە ئاستی یەدەگی نەوتی کۆگاکراو لە ئەمریکا، لە ئێستادا بە گوێرەی پینوێنی بازاڕی جیهانی نەوت نرخی بەرمیلێک نەوتی خاوی رۆژئاوای تێکساس بە ٧٩ دۆلار و ٩٧ سەنت مامەڵەی پێوەدەکرێت.
لەلایەکی تریشەوە بە گوێرەی راگەیەندراوێکی کۆمەڵەی
ئۆپیک پڵەس ئاستی بەرهەم هێنان و خستنەرووی نەوت بە جێگیری ماوەتەوە و بڕیاریشە لەم
مانگەدا کۆتایی بێت بە جێبەجیکردنی بڕیارەکانی ئۆپیک پڵەس و هەریەک لە وڵاتانی روسیا
و سعودیە و عێراق دەستبکەنەوە بە دابینکردنی نەوت بۆ بازاڕەکانی جیهان و بەوەش نرخی
نەوت دادەبەزێت بۆ خوار ٨٠ دۆلار بۆ ئەمساڵ.
ئەوەش لە کاتێکدایە، عەلی مەشکور ئەندامی ئەندامی
لیژنەی نەوت و وزە و سامانە سروشتییەکانی پەرلەمانی عێراق بە دیجیتاڵ میدیای ئێن
ئاڕ تی راگەیاند، مانەوەی نرخی نەوت لە سەروو ٨٠ دۆلارەوە ئەگەرەکانی کەمکردنەوەی
کورتهێنانی بودجە کەمتردەکاتەوە و بەوەش ئاستی داهاتی نەتی لە ئاستی پێشبینیکراودا
دەبێت. وتیشی، "پێشبینی دەکرێت فرۆشی مانگی رابردوو زیاتر بێت لە هەشت ملیار
و ٤٠٠ ملیۆن دۆلار".
