شەش مانگى کۆتایی ٢٠٢٣، داهاتى هەرێم چەند بووە و چەندى خەرج کردووە، چى هەبووە و چى نەبووە، ئێستا خراوەتەسەر مێزى چاودێرى دارایی عێراق و وردبینى بۆ دەکرێت، شەش مانگێک کە حکومەتى کاربەرێکەر تەنها سێ مووچەى تێدا دابەش کرد و سێ مووچەکەى دیکەى بیرى خۆى بردووەتەوە.
ئەم شەش مانگەى چەند رۆژێکە شاندێکى فراوانى چاودێرى عێراق بۆ وردبینیکردنى داهات و خەرجییەکانى هاتووە، لە ١ی ٧ى ٢٠٢٣ـەوە دەستپێدەکات تا ٣١ى ١٢ی ٢٠٢٣، کە حکومەتى کاربەرێکەر ئەم داهاتانەى لەبەردەستدابووە.
سێ ٧٠٠ ملیارى دینارى
لە بەغداوە بۆ هاتووە، کە دەکاتە دوو ترلیۆن و ١٠٠ ملیار دینار، داهاتى ناوخۆى ئەم شەش مانگە دوو ترلیۆن
و ٧٠ ملیار دینار بووە، بەپێى راپۆرتى هاوبەشى چاودێرى دارایی عێراق و خودى حکومەتى
کاربەڕێکەر خۆى.
هەر لەم شەش
مانگەدا ١٩٢ ملیار دیناریان لە هاوپەیمانان وەرگرتووە بۆ مووچەى پێشمەرگە، بێجگە لە
فرۆشتنى نەوت لە ناوخۆ و ئاودیوکردنى نەوتى قاچاغ.
بەپێى ئەم
ژمارانە بێت کە حکومەتى کاربەرێکەر یان چاودێرى دارایی عێراق خۆى پێشتر بڵاوى
کردووەتەوە، تێکڕاى داهاتى حکومەتى کاربەرێکەر لەو شەش مانگەدا چوار ترلیۆن و ٩٩٢
ملیار دینار بووە و بە ئاسانى دەتوانرا مووچەى پێنج مانگى بە ئاسانى پێ دابەش بکرێت،
بەو پێیەى مووچەى هەر مانگێکى فەرمانبەرانى هەرێم ٩١٣ ملیار دینارە و تێکرا بۆ پێنج
مانگ پێویستى بە چوار ترلیۆن و ٥٦٥ ملیار دینار بووە و نزیکەى ٤٣٠ ملیار دیناریشى
لێدەمایەوە، بەڵام حکومەتى کاربەرێکەر تەنها سێ مووچەى دابەش کرد و باقیەکەى دیکەشى
نادیارە.
کەواتە چاودێرى
دارایی عێراق وردبینى بۆ دۆسییەکى دارایی هەرێم دەکات کە شەش مانگە و شەش داهاتى
ناوخۆى هەبووە، شەش باج و رسومات و شەش مانگ هاوکارى تێدا لە هاوپەیمان وەرگیراوە،
بەڵام تەنها سێ مووچەى تێدا دابەش کراوە.