لە دوای ئەو بەرزبوونەوە بەرچاوەی چەند رۆژی رابردوو، جارێکی دیکە نرخی زێر لە بازاڕەکانی جیهان رووی لە داکشان کرد لە ئێستاشدا یەک ئۆنسە زێر بە دوو هەزار و ٢٢ دۆلار مامەڵەی پێوەدەکرێت، هاوکات لە بازاڕەکانی هەرێمیش هەر مسقاڵێک دوو هەزار دینار دابەزینی بەخۆیەوە بینی.
ئەمڕۆ هەینی، دوای ئەوەی داتاکانی بازاڕی کار و پێشبینیەکانی ئەمریکا هاوتابوون بووە هۆی بەرزبوونەوەی دۆلار و نزمبوونەوەی زێڕ و لە ئێستاشدا یەک گرام لەو کانزایە بە ٦٥ دۆلار و سێ سەنت مامەڵەی پێوەدەکرێت.
ئەوەش لە کاتێکدایە، سەرەڕای
ئەوەی نرخی زێر بە رێژەی ٠.١٢٪ دابەزینی بەخۆیەوە بینیووە بەڵام لە هەر کیلۆگرامێکدا
٨٠ دۆلار دابەزیوە و بەوەش لە ئێستادا نرخی یەک کیلۆگرام بە ٦٥ هەزار و ٢٦ دۆلار مامەڵەی پێوەدەکرێت.
ئەمەش لە کاتێکدایە،
نرخی زێر لە بازاڕەکانی هەرێم پەیوەستە بە نرخی دۆلارەوە و پەیوەندیەکی راستەوانە
لە نێوانیاندا هەیە بەوەش لەگەڵ بەرزبوونەوە دۆلاردا زێر زیاتر بەرزدەبێتەوە.
نرخی زێر لە بازاڕەکانی
هەرێم بەم جۆرەیە:
زێڕی عەیارە ١٨ بە ٣٨١
هەزار دینار.
زێڕی عەیارە ٢١ بە ٤٤١
هەزار دینار.
زێڕی عەیارە ٢٢ بە ٤٦١
هەزار دینار.
زێڕی عەیارە ٢٤ بە ٥٠١
هەزار دینار.