PM:12:42:20/02/2024
15136 جار خوێندراوەتەوە
لەکاتی کردنەوەی بازاڕی دراوەکانی هەرێم ١٠٠ دۆلار بە ١٥١ هەزار و ٩٥٠ دینار مامەڵەی پێوە کرا و بەروارد بە کاتی کردنەوەی بازاڕ لە رۆژی رابردوودا نرخەکەی دابەزیوە.
ئەمڕۆ سێشەممە، لەکاتی کردنەوەی بازاڕی دراوەکانی هەرێم ١٠٠ دۆلار بەرامبەر بوو بە ١٥١ هەزار و ٩٥٠ دینار کە بەراورد بە کاتی کردنەوەی بازاڕ لە دوێنێدا کە ١٠٠ دۆلار بە ١٥٢ هەزار دینار مامەڵەی پێوە دەکرا.
چەند رۆژێک بەر لە ئێستا نرخی ١٠٠ دۆلار گەیشتە ١٥٢ هەزار و ٥٥٠ دینار، کە ئەوەش بەرزترین نرخی چوار مانگی رابردووی بوو، کە لەو بارەیەوە شارەزایەکی ئابووری باسی لەوەکرد، "دۆلار ئەو بەرزبوونەوەی بەخۆیەوە دیوە بەهۆی گرژی و ئاڵۆزی گروپەچەکدارەکان و ئەمریکا بووە لە خاکی عێراق نەوەک هۆکارێکی تر کە شایەنی مەترسی بێت لەسەر دۆلار".
هاوکات شارەزایەکی دراویش لە بازاڕی دراوەکانی هەرێم بە ئێن ئاڕ تی راگەیاند، بەرزبوونەوەی نرخی دۆلار لە چەند رۆژی رابردوودا بەهۆی ئەو ئاڵۆزیانەوە بوو کە سەری هەڵدا و دەنگۆی کشانەوەی ئەمریکا تا ئاستێکی بەرچاو دۆلاری بەرزکردەوە، بەڵام لەگەڵ ئاسایی بوونەوەی دۆخەکەدا دۆلار سەقامگیر دەبێت. دەشڵێت، "لە ئێستادا دۆلار ئەو توانایەی هەیە کە دابەزێت بۆ ١٤٩ هەزار دینار لە یەک دوو هەفتەی ئایندەدا."
