AM:10:17:19/02/2024
732 جار خوێندراوەتەوە
وتەبێژی وەزارەتی نەوتی عێراق رایگەیاند، بە گوێرەی راپۆرتی یەدەگی فیدڕاڵی ئەمریکا سەبارەت بە قەبارەی فرۆشتن و بەرهەمهێنانی نەوت وڵاتانی ئۆپیک رۆڵی کاریگەریان هەبووە لە هاوسەنگکردنی نرخی نەوت و کەمکردنەوەی هەڵئاوسان.
عاسم جیهاد وتەبێژی وەزارەتی نەوتی عێراق رایگەیاند، بەگوێرەی ئەو داتایانەی یەدەگی فیدڕاڵی ئەمریکا لە راپۆرتێکدا بڵاویکردووەتەوە وڵاتانی هەناردەکاری نەوت رۆڵی باشیان هەیە له کەمکردنەوەی ناجێگیری نرخی نەوت و بەرزکردنەوەی متمانه بۆ بازرگانان له بازاڕی جیهانی و گەڕانەوەی هاوسەنگی و سەقامگیری.
ئاماژەی بەوەش
کرد، هەوڵەکانی وڵاتانی ئۆپیک بۆ کەمکردنەوەی هەڵاوسان و پاراستنی سەقامگیری بازاڕ
سەرکەوتوو بووە.
ئەمەش لە کاتێکدایە،
بەهۆی ناسەقامگیری دۆخی دەریای سوور و جەنگی ئۆکرانیا و روسیا و جەنگی فەڵەستین و
ئیسرائیلەوە نرخی نەوت لە بازاڕەکانی جیهاندا بە بەردەوامی لە گۆڕانکاریدایە.
