عێراق بەمەبەستی فراوانکردنی وەبەرهێنان و بەرزکردنەوەی ئاستی بەرهەمهێنانی وزە لە رۆژئاواوە هەنگاودەنێت بۆ رۆژهەڵاتی ئاسیا و بەتایبەتیش چین کە ئەوەش هەنگاوێکی ئەرێنی دەبێت بۆ بەرزکردنەوەی ئاستی بەرهەمهێنانی وزە.
ئەمڕۆ شەممە، کۆمپانیای وزەی پێترۆڵیۆم چاینا و کیمیکاڵ کۆرب رایانگەیاند، لەگەڵ عێراق هەماهەنگی کراوە بۆ بەرزکردنەوەی ئاستی بازرگانی وزەی نێوان هەردوو وڵاتەکە و بەتایبەتیش پرسی نەوت لە ماوەی سێ ساڵی داهاتوودا.
ئاماژە بەوەش
کراوە، وەزارەتی نەوتی عێراق لێکتێگەیشتنێکی لەگەڵ کۆمپانیاکەیاندا واژۆ کردووە بۆ
بەرزکردنەوەی ئاستی بەرهەمهێنانی نەوت لە سێ ملیۆن و ٥٠٠ هەزار بەرمیلەوە بۆ حەوت
ملیۆن بەرمیلی رۆژانە.
هاوکات لای خۆشیەوە
ناوەندی ئێس ئاند بی گڵۆباڵ کۆمیونیتی ئییسایت رایگەیاند، ئەو دوو کۆمپانیایە یەدەگی
نەوتیان لە ئێستادا ٢٤ ملیار بەرمیلە و بە تێکڕاش رۆژانە نزیکی سێ ملیۆن بەرمیل نەوت
لە خاکی عێراق دەردەهێنن.
باسی لەوەش
کرد، چین گەورەترین کڕیاری نەوتی خاوی عێراقە و بە تێکڕا ڕۆژانە یەک ملیۆن و ١٨ هەزار
بەرمیل هاوردە دەکات کە دەکاتە ٣٥٪ی نەوتی خاوی عێراق. دەشڵێت، "عێراق لە ساڵی
٢٠٢٣دا سێیەم گەورەترین وڵاتی دابینکەری نەوت بووە بۆ چین ، دوای روسیا و سعودیە".
ئەوەش لە کاتێکدایە
بەپێی رێککەوتنی ئۆپێک پڵەس، عێراق رۆژانە چوار ملیۆن بەرمیل نەوت بەرهەم دەهێنێت،
بەڵام لە مانگی کانوونی دووەمی ئەمساڵدا ئاستی بەرهەمهێنان بۆ چوار ملیۆن و ٢٧٠ هەزار
بەرمیل بەرزکرایەوە.