پاش ئەوەی بەهۆی ئاڵۆزییەکانی رۆژی ٩ـی شوبات لە دەریای سور و وەڵامدانەوەکانی ئەمریکا و بەریتانیا نەوت بەرزبوونەوەی بەخۆیەوە بینی، ئەمڕۆ جارێکی دیکە نرخی نەوت بەرزبووەوە و بەگوێرەی پێنوێنی بازاڕی جیهان نەوتی برێنت بە ٨٢ دۆلار و ٧ سەنت مامەڵەی پێوە دەکرێت و بەراورد بە دوێنێ نرخەکەی ٢٨ سەنت بەرزبووەتەوە.
ئەمڕۆ سێشەممە، بەرمیلێک نەوتی خاوی مەکسیک بە ٧٧ دۆلار و ٤ سەنت مامەڵەی پێوەدەکرێت و هاوشێوەی نەوتی خاوی برێنت نرخەکەی بەرزبووەتەوە.
ئەوەش لە کاتێکدایە حەیان عەبدولغەنی وەزیری نەوتی
عێراق رایگەیاند، عێراق بەردەوام دەبێت لە کەمکردنەوەی هەناردەکردنی ١٥٠ هەزار بەرمیلی
رۆژانە کە لە مانگی رابردوودا لەسەر بەردەوامبووە و ئامانج لێی بەدەستهێنانی سەقامگیری
و هاوسەنگی زیاترە لە نێوان دابینکردن و داواکاری لە بازاڕە جیهانییەکان.
ئاماژەی بەوەش کرد، رێکخراوی ئۆپیک پڵەسیش بڕیاریدا
ئاستی بەرهەمهێنان بەبێ دەستکاریکردن بۆ ئەمساڵیش وەک خۆی بهیڵێتەوە.
لەلایەکی تریشەوە رێکخراوی جیهانی ئۆپیک پڵەس رایگەیاند،
ئاستی دابینکردنی نەوتی رۆژانە و ساڵانە پارێزراوە و بەردەوامیش دەبن لە کەمکردنەوەی
بەرهەمهێنان و هەناردەکردن بۆ بازاڕەکانی جیهان تا مانگی ئازاری ئەمساڵ بە مەبەستی
سەقامگیرکردنی بازاڕەکانی جیهان.