ئاماژەی بەوەش کرد، جگە لە بازاڕی کار مامەڵەداراییەکانی دیکەش تا ئاستێکی بەرچاو بە مامناوەندی ماونەتەوە و ئەوەش رێگە دەگرێت لەوەی لە ئێستادا بڕیاربدرێت بە گۆڕانکاری لە رێژەی سوودی بانکی ئەمریکا.

ئەوەشی خستە روو، تێکڕای مووچەی هەر کرێکاریکی ئەمریکی لە ئێستادا بەراورد بە ساڵی رابردوو ٤.٥٪ بەرزبوونەوەی بەخۆیەوە دیوە، کە بۆ هەر کاتژمێرێک کرێی کارکردن بە ٣٤ دۆلار و ٥٥ سەنت دادەنرێت. 
باسی لەوەش کرد، ئەگەر ئابووری ناوچەکە بەو شێوەیە بمینێتەوە ئەوە پێشبینی دەکەن تا کۆتایی ساڵ بڕیار لە کەمکردنەوەی رێژەی سوودی بانکی نەدەن. دەشڵێت، "دڵنیانین لەوەی کە ئاستی رێژەی سوود بە جێگیری دەهێڵینەوە یان نا، بەڵام چاوەڕوانی راپۆرتەداراییەکان دەکەین بۆ بڕیاردان لە مانگی شەش دا و ئەگەر گۆڕانکارییەکان کەمتربن لەوەی چاوەڕوانمان دەکرد ئەوە بڕیار لەسەر ئەوەدەدەین کە رێژەی سوود کەمتر بکرێتەوە".

ئەوەش لە کاتێکدایە، جیرۆم پاوڵ سەرۆکی بانکی فیدڕاڵی ئەمریکا رایگەیاند، کۆمیتەی بازاڕی کراوەی فیدراڵیی(FOMC)، رێژەی هەڵئاوسانی لە درێژماوەدا بە ٢٪ دیاریکردووە و بۆ پشتیوانیکردنی ئەم ئامانجەش بڕیاریداوە رێژەی سوود بە ٥ – ٥.٢٥٪ بهێڵێتەوە.

وتیشی، "رێژەی سوودی بانکی بە جێگیری دەمینێتەوە تا ئەو کاتەی راپۆرتە داراییەکانی ئەمریکا ئەو ئاراستەیەمەن پێدەدەن کە پێویست بە کەمکردنەوەی سود بکات."