بانکی ناوەندی عێراق رایگەیاند، لەرێگەی سەکۆی ئەلیکترۆنییەوە بۆ ئەمڕۆ زیاتر لە ٢٠٣ ملیۆن دۆلار فرۆشراوە بە نرخی فەرمی و لەو رێژەیەش زیاتر لە ١٦ ملیۆن دۆلاری بەشێوەی کاش بووە.
ئەمڕۆ چوارشەممە، بانکی ناوەندی عێراق لە رێگەی سەکۆی ئەلیکترۆنی بانکەکەوە رایگەیاند، لە سەرجام بانکەکان و بازرگانانەوە داواکاری پێشکەشکراوە بۆ کڕینی ٢٠٣ ملیۆن و ٧٢١ هەزار و شەش دۆلار.
ئاماژەی بەوەش کرد، لەو رێژەیەش ١٦ ملیۆن و ١٧٠ هەزار دۆلاری
بەشێوەی نەختینە بووە و ١٨٧ ملیۆن و ٥٥١ هەزار و شەش دۆلاریشی بەشێوای حەواڵەی دەرەکی
بووە.
هاوکات بانکی ناوەندی عێراق رایگەیاند، لە ماوەی مانگی
رابردوودا بەتێکڕا زیاتر لە چوار ملیار دۆلاری بە نرخی فەرمی فرۆشتووە بە بانک و
بازرگانانی ناوخۆ و لەو رێژەیەش ٩١٪ی بەشێوەی حەواڵە بووە و تەنها ٩٪ی بەشێوەی
کاشبووە کە زیاتر بووە لە ٣٣١ ملیۆن دۆلار.
لەماوەی سێ ساڵی رابردووشدا ١٥٦ ملیار و ٧٠٠ ملیۆن دۆلار
فرۆشراوەتەوە و زۆرترین رێژەی فرۆش بە شێوەی حەواڵە بووە لەنێوان ساڵی ٢٠٢١-٢٠٢٣ و
بە تێکرا ١٣١ ملیار و ٦٠٠ ملیۆن دۆلار فرۆشراوەتەوە و زۆرترین رێژەی فرۆشی حەواڵە
لە ساڵی ٢٠٢٢ـدا بووە بە رێژەی ٤٨ ملیار و ٢٠٠ ملیۆن و١١٠ هەزار دۆلار.
ئەوەش لە کاتێکدایە، لە ئێستادا رێککارەکانی بانکی ناوەندی
چوونەتە بواری جێبەجێکردنەوە و لە بازاڕی
دراوەکاندا ١٠٠ دۆلار بەرامبەرە بە ١٥١ هەزار و ٧٥٠ دینار.