لە ئێستادا لە بازاڕەکانی هەرێم ١٠٠ دۆلار بەرامبەر بە ١٥١ هەزار و ٧٠٠ دینار مامەڵەی پێوە دەکرێت، کە بەراورد بە کاتی کردنەوەی بازاڕەکانی دراو، زیاتر لە هەزار دینار دابەزیووە.
ئەمڕۆ چوارشەممە، لە بازاڕەکانی هەرێم ١٠٠ دۆلار بەرامبەر بە ١٥١ هەزار و ٧٠٠ دینار مامەڵەی پێوە دەکرێت.
لە کاتی کردنەوەی بازاڕەکانی دراو لە هەرێم، ١٠٠ دۆلار بە ١٥٢ هەزار و
٧٥٠ مامەڵەی پێوە دەکرا، لە ئێستاشدا نرخی هەر ١٠٠ دۆلارێک، زیاتر لە هەزار دینار
دابەزیووە.
هاوکات، بانکی ناوەندیی عێراق رایگەیاند، لە تێکڕای فرۆشی
ئەمڕۆدا، زیاتر لە ٢٠٩ ملیۆن دۆلاری فرۆشتووە و لەو رێژەیەش زیاتر لە ١١ ملیۆن دۆلاری
بەشێوەی کاش بووە.
ئەوەش لە
کاتێکدایە، لەماوەی ١٢ مانگی رابردوودا، بانکی ناوەندی زیاتر لە هەشت ملیار و ١١٠
ملیۆن و ٣٤٤ هەزار و ٧٠٤ دۆلاری بەشێوەی کاش خستووەتە بازاڕەکانی ناوخۆوە.