بانکی ناوەندی عێراق رایگەیاند، لە تێکڕای فرۆشی ئەمڕۆدا زیاتر لە ٢٠٩ ملیۆن دۆلاری فرۆشتووە و لەو رێژەیەش زیاتر لە ١١ ملیۆن دۆلاری بەشێوەی کاش بووە.
ئەمڕۆ چوارشەممە، بانکی ناوەندی لە سەکۆی خستنەڕووی تایبەت بە دراوە بیانییەکان رێژەی فرۆشی ئاشکرا کرد و تێیدا هاتووە، لە تێكڕای خستنەڕوودا ٢٠٩ ملیۆن و ٥٤٠ هەزار و ٢٧ دۆلار بەنرخی فەرمی فرۆشراوەبە بازرگانان.
ئاماژەی بەوەش کرد، بە نرخی هەزار و ٣٠٥ دینار بۆ هەر دۆلارێک
بە تێکڕا ١١ ملیۆن و ٢٧٠ هەزار دۆلار فرۆشراوە و بەشێوەی حەواڵەش ١٩٨ ملیۆن و ٢٧٠
هەزار و ٢٧ دۆلار فرۆشراوە.
هاوکات، لە رۆژی رابردووشدا بانکەکە زیاتر لە ٢١٩ ملیۆن
دۆلاری فرۆشتووە و لەو رێژەیەش نزیکەی ١٨ ملیۆن دۆلاری بەشێوەی کاش بووە، کە بەراورد
بەمڕۆ رێژەی کاش بەرێژەی ٣٣٪ زیاتر بووە.
لەماوەی ١٢ مانگی رابردووشدا، بانکەکە زیاتر لە هەشت ملیار
و ١١٠ ملیۆن و ٣٤٤ هەزار و ٧٠٤ دۆلاری بەشێوەی کاش خستووەتە بازاڕەکانی ناوخۆوە.
ئەوەش لە کاتێکدایە، لە ئێستادا لە بازاڕی دراوەکانی هەرێم،
١٠٠ دۆلار بەرامبەر بە ١٥٢ هەزار و ٥٠٠ دینار مامەڵەی پێوە دەکرێت، بەراورد بە کاتی
کردنەوەی بازاڕی دراوەکان ٣٠٠ دینار دابەزینی بەخۆییەوە دیوە.