PM:02:13:25/01/2024
1152 جار خوێندراوەتەوە
بانکی ناوەندی لە خستنەڕووی ئەمڕۆدا زیاتر لە ٢٢٠ ملیۆن دۆلاری بە نرخی فەرمی خستووەتە بازاڕەوە و لەو رێژەیەش ٩٥٪ی بەشێوەی حەواڵەی دەرەکی بووە و رێژەیەکی کەمی بەشێوەی کاشبووە. هاوکات رۆژی رابردووش رێژەی فرۆشی حەواڵە ٩٣٪ی پێکهێنابوو.
ئەمڕۆ پێنجشەممە، بانکی ناوەندی لەڕێی سەکۆی فرۆشی دراوی بیانییەوە خستنەڕووی دۆلاری ئاشکراکرد و تێیدا هاتووە، ئەمڕۆ ٢٢٠ ملیۆن و ٢١ هەزار و ٧٣٢ دۆلاری فرۆشتووە و لەو رێژەیەش ٥٪ی کە بەرامبەرە بە ١٠ ملیۆن و ٥٤٠ هەزار دۆلار؛ بەشێوەی کاشبووە.
ئاماژەی بەوەش
کرد، بەمەبەستی دابینکردنی دۆلار بۆ بازرگانان و پاڵپشتیکردنی مامەڵەبازرگانییەکان
بڕی ٢٠٩ ملیۆن و ٤٨١ هەزار و ٧٣٢ دۆلاری بەشێوەی حەواڵە فرۆشتووە کە بەرامبەرە بە
٩٥٪ـی تێکڕای فرۆشی ئەمڕۆ.
هاوکات، رۆژی
رابردووش بانکی ناوەندی لە تێکڕای فرۆشدا ٩٣٪ی حەواڵەی پڕکردبووەوە بە ٢٠٣ ملیۆن و
١٠١ هەزار و ٥٤٤ دۆلار و لە بەرامبەریشدا تەنها ١٧ ملیۆن و ١٧٠ هەزار دۆلاری بەشێوەی
کاشبوو.
ئەوەش لە کاتێکدایە،
لە رۆژی رابردوودا بەهۆی هەڵکشانە سیاسیەکانی عێراق و کەمخستنەڕووی دۆلاری کاش لەلایەن
بانکی ناوەندییەوە، نرخی ١٠٠ دۆلار هەزار دینار بەرزبوونەوەی بەخۆیەوە بینی و لە
١٥٠ هەزار و ٧٥٠ دینارەوە بەرزبووەوە بۆ ١٥١ هەزار و ٧٥٠ دینار.