بانکی ناوەندی عێراق رایگەیاند، لە ساڵی رابردوودا بەبڕی زیاتر لە ١٤٠ ملیار دینار سزای دارایییان بەسەر ئەو بانکانەدا سەپاندووە کە سەرپێچییان کردووە و پابەندی یاساکان نەبوون.
ئەمڕۆ چوارشەممە بانکی ناوەندی عێراق راگەیەندراویکی بڵاوکردەوە، تیایدا هاتووە، بەهۆی سەرپێچیکردن و پابەند نەبوونیان بە یاساکانی بانکی ناوەندییەوە، تەنها ساڵی رابردوو بە بڕی ١٤٠ ملیار و ٩٢٤ ملیۆن و ٣١٨هەزار دینار سزای داراییان بەسەر ئەو بانکە بازرگانیەکانی عێراقدا سەپاندووە.
ئاماژەی بەوەش کردووە، لەگەڵ سزا داراییەکاندا ٤٠٢ سزای کارگێڕی بەسەر
بانکەکان و دامەزراوە نابانکییەکاندا سەپێندراوە لە ماوەی ساڵی رابردوودا.
ئەوەشی خستووەتە روو، مانگی نیسانی ساڵی ڕابردوو بەرزترین ڕێژەی سزای
دارایی بۆ بانک و دامەزراوە نابانکییەکان بەخۆیەوە بینیوە کە بڕەکەی ١٧ ملیار و
٤٤٠ ملیۆن و ٣٨٣هەزار دینار بووە دەشڵێت'' سزای کارگێڕییەکانیش ١٧ سزا بووە''.
بانکی ناوەندی عێراق راشیگەیاند، مانگی نۆڤەمبەری ساڵی ڕابردوو کەمترین
ڕێژەی سزای دارایی تێدا تۆمارکراوە بە بڕی هەشت ملیار و ٣٣٧ ملیۆن.و ٦٤٥ هەزار دینار
لەگەڵ ٨ سزای کارگێڕی.