PM:10:00:14/06/2022
716 جار خوێندراوەتەوە
+
-
رێکخراوا ولاتێن پەترۆلێ
دشینن راپۆرتا مەها حوزەیرانێ یا خۆ بەلاڤکر و ئاماژە ب وێ کریە، کو پێشبینی دهێتەکرن
خواست لسەر پەترۆلێ تا ٣.٤ ملیۆن بەرمیلێن رۆژانە بلند ببیت د ئەڤسالەدا.
ئەڤرۆ سێشەمبی، رێکخراوا
ولاتێن پەترۆلێ دشینن راپۆرتا مەها حوزەیرانێ بەلاڤکر و پێشبینیا وێ دکەن خواست لسەر
پەترۆلێ د سالا ٢٠٢٢دا ب رێژەیا ٣.٤ ملیۆن بەرمیلان د رۆژەکێدا بلندببیت.
هەڤدەم د ڕاگەهاندنێدا
ئاماژە ب وێیەکێ ژی کریە کو پێشبینیێ دکەن لەزاتیا گەشەیا خواستی لسەر پەترۆلێ بۆ نیڤا
ئێکێ یا سالا بهێت دگەل کۆنترۆلکرنا هەلاوسان و هەڤرکیێ لسەر ئابووریا نێڤدەولەتی،
کێم ببیت.
ئۆپێک پێشتر پێشبینیا بلندبوونا
خواستا لسەر پەترۆلێ ل چارێکا سێیێ و چارێ یا ئەڤسالە کربوو، د هەمان دەمدا بۆ چارێکا
دووێ یا ئەڤسالە پێشبینی ئینایە خار بۆ سێ ملیۆن و ١٠٠ هزار بەرمیلێن رۆژانە.
و لدیڤ وێ یا کو بلومبێرگ
ل زارێ نوینەرێ ئۆپیکێ بەلاڤکری، پێشبینی دهێتەکرن د سالا بهێتدا بکارئینانا پەترۆلا
جیهانی ب رێژەیا ١.٨ ملیۆن بەرمیلان د رۆژەکێدا زێدە بکەت، د دەمەکیدا کو پێشبینی دهێتەکرن
بۆ ئەڤسالە ٣.٤ ملیۆن بەرمیلان د رۆژەکێدا بیت.
بەحسا وێیەکێ ژی کریە،
ئەڤ پێشبینیە حەفتیا بهێت ژ ئالیێ نوینەرێن ولاتێن ئەندامێن وی گرۆپی پێداچوون بۆ بهێتەکرن.
ئەڤە د دەمەکیدایە، مەها
دەربازبووی ولاتێن بەرهەمئینەرێن پەترۆلا ئۆپێک د ڕاگەهاندنەکێ دا گۆت، ب ژڤانن بەرهەمئینانا
پەترۆلێ ل هاڤینا ئەڤسالەدا ب ئاوایەکێ بەرچاڤ بلندبکەن، ئەڤەژی ب مەرەما ئینانەخارا
بهایێ پەترۆلێ کو ژبەر شەرێ ئۆکرانیا و روسیا بلندبوونەکا نەئاسایی بخۆڤە دیتیە.