سەرنووچە:

فنلەندا داخازا ئەندامبوونێ ژ ناتۆیێ دکەت و دەمی ئەشکەرادکەت

PM:03:54:12/05/2022

616 جار خوێندراوەتەوە

+ -

هەردوو سەرۆک و سەرۆک وەزیرێن فینلەندا ڕاگەهاند، پشتەڤانیا ئەندامبوونا وەلاتێ خۆ ژ پەیمانا باکورێ ئەتلەسی "ناتۆ" دکەن. دبێژن ژی، "رۆژا ئێکشەمبیا بهێت لژنەیا تایبەت ب گۆتۆبێژێن بڕیارا وەلاتێ خۆ دەربارەی وێ یەکێ ئەشکەرا دکەن".

ئەڤرۆ پێنجشەمبی، ساولی نینیستۆ سەرۆک و سانا مارین سەرۆک وەزیرێن فینلەندا ڕاگەهاندنەکا هەڤپشک بەلاڤکر و تێدا هاتیە، ئەندامبوونا فنلەندا د رێکخراوا ناتۆ دا دێ بیتە بهێزکرنا رەوشا ئەمنی یا وی وەلاتی و بەرەڤانیا وەلاتی بهێزتر دکەت.

دبێژن ژی، ب بێ چ گیروبوونەک فنلەندا داخازا ئەندامبوونێ پێشکێشی پەیمانا باکورێ ئەتلەسی "ناتۆ" دکەن.

د ڕاگەهاندنێدا هاتیە، رۆژا ئێکشەمبیا بهێت لژنەیا تایبەت ب کاروبارێن ئەندامبوونێ ل ناتۆیێ دێ داخازا بەربژێربوونا فنلەندا د ناتۆیێدا پێشکێشکەت.

رۆژا چارشەمبی، ساولی نینیستۆ سەرۆکێ فنلەندا د کۆنفڕاسەکێ رۆژنامەڤانیدا ڕاگەهاند، ئەندامبوونا وەلاتێ وی د ناتۆیێدا دژی چ ئالی و وەلاتەکی نینە.

د بەرسڤا گەفێن روسیادا، سەرۆکێ فنلەندا ئاماژە ب وێ یەکێ کر، ئەو بوونە سەدەم بۆ هاڤێتنا ڤێ پێنگاڤێ.

فنلەندا ب درێژاهیا هزار و ٣٤٠ کیلۆمەتران دگەل روسیا هەڤسنورە و بەریا نها ژی کۆچکا کرملن هایداری دایە ژ دەرئەنجامێن ئەگەرێ وێ یەکێ سوید و فنلەندا ببنە ئەندام د ناتۆیێدا.

ئەڤە ددەمەکیدایە، پشتی کو ل ٢٤ی شوباتێ روسیا ئۆپراسۆنێن سەربازی ل ئۆکرانیا دەستپێکر، هەر ئێک ژ وەلاتێن فنلەندا و سوید هزر ل و یەکێ کریە ببنە ئەندام ل رێکخراوا پەیمانا باکورێ ئەتلەس "ناتۆ" کو ژ ٣٠ ئەندامان پێکهاتیە و دەستا ژ رەوشا خۆیا بێ ئالی بەردەن.

گەلەری