زانیاریێن نوی دەربارەی مووچەیێ ڤێ مەهێ

PM:02:55:29/01/2022

2916 جار خوێندراوەتەوە

+ -

ژێدەرەکی ژ وەزارەتا دارایی بۆ ئێن ئاڕ تی ڕاگەهاند، د نهادا پارەیێ فرۆتنا پەتڕۆلا هەرێمێ گەهشتیە هەرێمێ و پشکەک ئێخستیە سەر هژمارا بەنکیا وەزارەتا دارایی و ب ڤێ یەکێ ژی پارەیێ زێدەتر ل بەردەستدایە بۆ پارڤەکرنا مووچەیێ فەرمانبەران.

ژێدەری ئاماژە ب وێ یەکێ کریە، وەزارەتا دارایی دێ بەردەوامبیت ژ پارڤەکرنا مووچەی، لێ بۆ پارڤەکرنا تەمامیا مووچەیێ فەرمانبەران چاڤەڕێی ٢٠٠ ملیارێن بەغدایە.

لدویف گوتنا ژێدەری ئەو کوژمێ پارەی کو هاتیە ڤەگەڕاندن ٢٠٠ ملیار دینارن و کۆما گشتیا پارەیێ پەتڕۆلێ ژی ٣٥٠ ملیۆن دۆلارن و ئەوێ مای دێ لێکگۆهاڕتنێ کەن و پشترا دێ هنێرن.

لدویف وان زانیاریێن ب دەست ئێن ئاڕ تی کەفتین، بڕیارە سوبەهی ڕۆژا ئێکشەمبی وەزارەتا ناڤخۆ و ڕێڤەبەریا ڕەگەزنامەیان مووچەی وەربگرن.

لدویڤ وی ژێدەری، ڕۆژا دووشەمبی مووچەیێ وەزارەتا شەهیدان دێ هێتە پارڤەکرن، دبێژیت ژی، ڕۆژا سێشەمبی دێ مووچەیێ وەزارەتا پەروەردێ هێتە پارڤەکرن.

ئەڤە ژی ددەمەکیدایە، داهاتێ حکومەتا هەرێمێ مەهانە زێدەترە ژ دوو ترلیۆن دیناران، د دەمەکیدا هەمی مووچەیێ فەرمانبەران پێتڤی ب ٩٠٠ ملیار دینارانە، لێ چاڤێ حکومەتێ مەهانە ل ٢٠٠ ملیار دینارێن بەغدا یە و ب وێ هێجەتێ ژی پارڤەکرنا مووچەی پاشدکەڤیت و د دەمێ خۆدا ناهێتە پارڤەکرن.

هێرش قادر، هەولێر