سەرنووچە:

ژ پارتی بۆ یەکێتی؛ ئاخفتنێن هەوە نەڕاستی تێدابوون

PM:12:01:24/01/2022

620 جار خوێندراوەتەوە

+ -

پەیڤدارێ پارتی ڕاگەهاند، بۆ وان زەلال بوویە یەکێتیێ دیتنەکا زەلال نینە و شیانێن بڕیاردانێ ژی نینن.

دوهی جڤاتا سەرکردایەتیا یەکێتی جڤیا و بەحسا وێیەکێ کر، "پارتی تاکئالیانە و دەرڤەی خواست و ئیرادا یەکرێزیا گەلێ کورد و هێزێن سیاسی یێن کوردستانێ پێنگاڤ هاڤێتینە و لهەڤهاتن دگەل هندەک ئالیێن سیاسی ئیمزاکریە و د کڤانێ وێ لهەڤهاتنێ دا بەربژێرێ خۆ بۆ پۆستێ سەرۆککۆماری پێشکێشکریە".

دبەرسڤا ڕاگەهاندنا جڤاتا سەرکردایەتیا یەکێتیێ دا، مەحمود محەمەد پەیڤدارێ پارتی ڕاگەهاندنەک ژی، یەکێتی بێی هایدارکرنا وان ژ شاندێ هەڤبەش ڤەکێشایە و پێتڤی بوو ئەو حزبە لسەر پرسا سەرۆککۆماری هویرتر سەرەدەری بکرایە.

ئاماژە ب وێیەکێ ژی کر، "پۆستێ سەرۆککۆماری مولکێ کوردانە و بتنێ پشکا ئالیەکێ دیارکری نینە، ژبەر وێیەکێ دڤێت بەربژێرەکێ دیاربکەت کو رازیبوونا هەمی ئالیێن کوردستانێ لسەر بیت".

لگۆرەی دەستورێ عێراقێ، کێمتر ژ ٢٠ رۆژان مایە بۆ بەربژێرێ سەرۆککۆماری دناڤ پەرلەمانی دا بهێتە هەلبژارتن، پێتڤیە بەربژێر دەنگێ دوو سەر سێی ئەندامێن پەرلەمانێ عێراقێ بدەستڤە بینیت.

ئەو ژی د دەمەکێ دایە، شەڕێ بەردەوامێ پارتی و یەکێتی لسەر پلە و پۆست و ئیمتیازاتان بوویە ل هەرێم و بەغدا، زێدەباری وێیەکێ ددەمێ دەربازبووی دا، ل بەغدا هەردوو ئالیان بەژداری د حکومەتێ دا کرینە و پۆستی بلند وەرگرتینە، لێ زۆرترین مفا بۆ خۆ و کێمترین مفا بۆ وەلاتیان هەبوویە د بەژداریکرنێ دا.


گەلەری