PM:07:51:23/04/2024
184 جار خوێندراوەتەوە
+
-
ل هەرێما کوردستانێ د هەیاما ١٠ سالێن دەربازبووی دا باج و رسومات و سەرانە
چەندین قاتان زێدەبووینە، ب تایبەتی د کابینەیا نەهێ دا ب ڕێژەیا 600% هاتیە
زێدەکرن.
د ڤێ کابینەیا حکومەتێ دا ب 417 ڕێکان باج و رسومات و کرێ و سزا ژ وەلاتیان
دهێنە وەرگرتن، ئەڤە د دەمەکی دایە سالا 2012ـێ داهاتێ باجێ نێزیکی 130
ملیار دینار بوویە، لێ پشتی 10 سالا و د سالا 2022ـێ دا داهاتێ باجێ بۆ نێزیکی 912
ملیار دیناران زێدەبوویە.
ل هەرێمێ پشتی سالا 2016 باج و رسومات ب ئەحکامێن
ماددەیێ هەشتێ ژ یاسایا جڤاتا وەزیرێن هەرێمێ دهێنە زێدەکرن، د دەمەکی دا لدیڤ ماددەیێ 28 ژ
دەستورێ عێراقێ سەپاندنا باجێ یان رسوماتان پێدڤیە ب یاسا ژ پەرلەمانی بهێتە دەرکرن،
لێ ل هەرێمێ بێ ڤەگەریان بۆ پەرلەمانێ زێدەکرن و کێمکرن و لێخۆشبونا باج و
رسوماتان دهێتە جێبەجێکرن.
ژبەر زێدەکرنا باجێ و پارەیێ کارەبێ لسەر وەلاتیان ل داویا سالا 2023 نەوەی
نوێ ل دادگەها فیدڕالی سکالا ل دژی حکومەتا رێڤەبرنا کارێن هەرێمێ تۆمارکر.
د نهادا نێزیكی 24 هزار
كۆمپانی ل ههرێما كوردستانێ كار دكهن و ژ وێ هژمارێ ژی ب تنێ 10 هزار كۆمپانی
باجێ ددهن. هەڤدەم، 14 هزار كۆمپانی کو پرانیا وان یێن حزبی نە یان ب بڕیار لێخۆشبوون
بۆ هاتینە کرن یان ژی باجێ نادەنە حكومهتێ.