PM:02:12:20/04/2024
412 جار خوێندراوەتەوە
+
-
وەزارەتا داراییا عێراقێ بۆ ئێن ئاڕ تی ڕاگەهاند، سوبەهی ئێکشەمبی،
دەست ب دابەشکرنا مووچەی دهێتە کرن، گوت ژی، "تا نها هەرێمێ لیستا مووچەیێ
مەها نیسانێ بۆ نە هنارتیە".
ئەڤرۆ شەمبی، وەزارەتا داراییا عێراقێ دەربارەی مووچەیێ مەها نیسانێ
یێ مووچەخۆرێن هەرێمێ بۆ ئێن ئاڕ تی ڕاگەهاند، لدیڤ گۆهرینا پارەدارکرنا
وەزارەتان، سوبەهی دێ دەست دابەشکرنا مووچەیێ مەها نیسانێ یێ هەمی وەزارەتان کەن.
ئاماژە ب وێیەکێ ژیکر، دگەل گەهشتنا لیستا مووچەیێ مووچەخۆرێن هەرێمێ،
راستەوخۆ پارەیێ مەها نیسانێ ب چەند کۆژمەیان دهێتە خەرجکرن و دێ ئێخنە سەر هژمار
بەنکیا وەزارەتا داراییا حکومەتا رێڤەبرنا کاران، لێ تا نها هەرێمێ لیستا مووچەیێ
مووچەخۆران یێ مەها نیسانێ بۆ رەوانە نەکریە.
د وێ دەربارێ ژی دا، ژێدەرەکی ژ وەزارەتا داراییا حکومەتا رێڤەبرنا کاران بۆ
دیجیتال میدیایا ئێن ئاڕ تی ڕاگەهاند، لیستا مووچەیێ مەها چار یێ مووچەخۆرێن
هەرێمێ هاتیە بەرهەڤکرن و پشتی تەمامبوونا پارەدانکرنا وەزارەتا دەست ب دابەشکرنا
مووچەی دهێتە کرن، دبێژیت، "ئەگەر چ ئاریشەیەک دروست نابیت د ڤێ حەفتیێ دا
دەست ب دابەشکرنا مووچەیێ مەها نیسانێ کەن".
ئاماژە
ب وێیەکێ ژی کر،ئەگەر چ
ئاریشەیەک دروست نەبیت د ڤێ حەفتیێ دا دەست ب دابەشکرنا مووچەیێ مەها نیسانێ دکەن
و لدیڤ وێ لیستێ ژی پیدڤی ب حەفتیەکێ هەیە.