PM:10:26:20/11/2021
1344 جار خوێندراوەتەوە
+
-
پشتی چار رۆژان ژ هێرشکرنا سەر مامۆستایەکێ و
بریندارکرنا وی ل ئێک ژ قوتابخانەیێن دهۆکێ پۆلیسان دەستەسەرکرنا هێرشکەران ڕاگەهاند
و دبێژیت، کێمتر ژ ٢٤ دەژمێران ئەو کەسە هاتینە دەستەسەرکرن.
ئەڤرۆ شەمبیێ، هێمن سلێمان پەیڤدارێ پۆلیسێن
دهۆکێ د رۆپەلا خۆ یا ئینستگرامی دا ڕاگەهاند، پشتی وێیەکێ ل رۆژا چارشەمبیا
دەربازبووی دوو سنێلە کو نەقوتابی بووینە و چووینە دناڤ قوتابخانەیا هێزدا ل تاخێ
ئێتیتی، د ئەنجام دا شەڕ دناڤبەرا وان و مامۆستایەکێ دا دروستبوویە.
ئاماژە ب وێیەکێ ژی کر، مامۆستا جێگرێ
رێڤەبەرێ بوویە و پشتی داخاز ژ وان کری قوتابخانەیێ ب جی بهێلن ژبەرکو نە
قوتابی نە، د ئەنجامدا ئێک ژ وان سنێلەیان
ب چەقویێ هێرشکریە سەر مامۆستای و بریندارکریە.
هەر چەند رۆژەکێ پشتی بوویەرێ ئێن ئاڕ تی
پەیوەندی ب پۆلیسێن دهۆکێ کر، ئەوان بێ ئاگەهیا خۆ دەربارەی بوویەرێ نیشاندا، لێ
پەیڤدارێ پۆلیسێن دهۆکێ د رۆپەلا خۆ دا دبێژیت، دەملدەست پۆلیس
گەهشتینە جهێ بوویەرێ و کێمتر ژ ٢٤ دەمژمێران ئەو کەسە دەستەسەرکرینە.
بەحسا وێیەکێ ژی دکەت، "د ڤەکۆلینێن
دەستپێکی دا دیاربوویە ئەو کەسێ هێرشکری سەرخۆش بوویە لێ ئەڤە نەبوهانەیە و دێ ل
دیڤ بەندێ ٤١٢ ژ یاسایا سزادانێ ڤەکۆلین دگەلدا هێتەکرن".
قوتابخانەیا هێز یا تێکهەل
ئێکە ژ قوتابخانەیێن کۆمەلگەها کوری ل تاخێ ئێتیتێ یێ دهۆکێ و قوتابخانەیەکا دوو دەوامییە.