PM:06:30:18/11/2021
3480 جار خوێندراوەتەوە
+
-
ئێڤاریا ڕۆژا ١٧ێ ڤێ
مەهێ ل دەمێ دەوامێ، سێ کەس د چنە د ناڤا ئاڤاهیێ قوتابخانەیا هێز یا تێکهەلە ل
تاخێ هێتیتێ دا و هێرشی سەر مامۆستایەکێ دکەن و ب ژدواری بریندار دکەن. هەڤدەم،
پۆلیس و پەروەردا دهۆکێ ژی بێ ئاگەهیا خۆ ژ بوویەرێ نیشان ددەن.
ژێدەرەکێ ئاگەهدار ژ
بوویەرێ بۆ ئێن ئاڕ تی ڕاگەهاند، ئەو سێ کەسە ب چەقو و چەکی چووینە ناڤ ئاڤاهیێ
قوتابخانەیێ دا و پشتی دەنگە دەنگەکێ هێرشی سەر مامۆستایەکێ کرنە و چەقویەک ل سەرێ
وی دانە و ب دژواری بریندارکریە.
ژێدەری کو نەدخواست
ناڤێ وی بهێتە ئاشکراکرن ئەو یەک ژی دازانین، پشتی برینداربوونێ و بوویەرێ هێزێن
ئەولەهیێ گەهشتینە وێرێ و مامۆستایێ بریندار بوو نەخۆشخانەیا تەنگاڤیان ل دهۆکێ
هاتیە ڤەگوهاستن.
دەربارەی بوویەرێ،
ئێن ئاڕ تی پەیوەندی ب پۆلیسێن دهۆکێ و ڕێڤەبەریا پەروەردێ و ساخلەمیا وێ
پارێزگەهێ کر، لێ هەمیان بێ ئاگەهیا خۆ لسەر بابەتی نیشاندا و ڕاگەهاندن، چ پرسەکا
ب وی ڕەنگی نەگەهشتیە دەست وان.
لگۆری زانیاریێن
بدەست ئێن ئاڕ تی کەفتین، ئالیێن پەیوەندیدار هایداری بابەتینە، هەڤدەم مامۆستایێن قوتابخانەیێ هاتینە هایدارکرن کو ئەڤ بابەتە ب
بێ دەنگی بمبینیت و هۆشداری ژی ژ بەلاڤکرنا بابەتی هاتیە دان.
قوتابخانەیا هێز یا
تێکهەل ئێکە ژ قوتابخانەیێن کۆمەلگەها
کوری ل تاخێ ئێتیتێ یێ دهۆکێ و قوتابخانەیەکا دوو دەوامییە.
