PM:01:10:22/10/2021
3200 جار خوێندراوەتەوە
+
-
دەستەیا ئاسایشا فیدرالیا روسیا ڕاگەهاند، ئەندامەکێ سەر
گروپێن داعش ژ ئالیێ هێزێن ئەولەکاریێ هاتیە دەستەسەرکرن کو ب ژڤان بوو هێرشەکا
چەکداری ل هەرێما ستافروبول ئەنجامبدەت.
ئەڤرۆ ئەینی، د ڕاگەهاندنەکێدا دەستەیا ئاسایشا فیدرالی
بەحسا وێیەکێ کر، ئەو ئەندامێ سەر ب داعش ب ژڤانبوو پلانا هێشکرنا چەکداری بۆ سەر
دامەزراوەیا ژێرخانا ئابوریا سەر ب وەزارەتا ڤەگۆهاستنێ ب رێیا بۆمبەکا چاندی
ئەنجامبدەت.
د ڕاگەهاندنێدا هاتیە، هێزێن ئەولەکاری، ب رێیا پشکنینا جهێ
مانا وی کەسی کارینە دەست بسەر چەندین ماددێن تەقینێ دا بگرن.
گروپێ چەکداریێ داعش (دەولەتا ئیسلامی ل عێراق و شامێ)
یا ناڤدار ب داعش، ل سالا ٢٠١٣ێ هاتە دامەزراندن، و ل سالا ٢٠١٤ێ ژی، کاری دەست
بسەر پشکەکا زێدەیا ئاخا عێراق و سوریا دا بگریت، پشترا ل سالا ٢٠١٧ێ حکومەتا
عێراقێ ب پشتەڤانیا هێزێن ئارتێشا عێراقێ و هێزێن پێشمەرگەی و پشتەڤانیا هێزێن
هەڤپەیمانان، ب داوی هاتنا وی گرۆپی ل عێراقێ ب ڕاگەهینن.