سەرنووچە:

محەمەد بن زاید وەکی سەرۆکێ ئیماراتێ هاتە هەلبژارتن

PM:12:44:14/05/2022

1160 جار خوێندراوەتەوە

+ -

جڤاتا بلندا یەکێتیا ئیماراتا عەرەبی ب کوما دەنگان محەمەد بن زاید ئالنەهیان وەکی سەرۆکێ دەولەتیا ئیماراتێ هەلبژارت.

ئەڤرۆ شەمبیێ، ئاژانسا فەرمیا نووچەیێن ئیماراتێ بەلاڤکر، جڤاتا بلندا یەکێتیا ئیماراتا عەرەبی محەمەد بن زاید ئالنهیان وەکی سەرۆکێ دەولەتا وی وەلاتی هەلبژارت.

ئاژانسێ بەحسا وێیەکێ ژیکر، جڤاتا بلند ل کۆچکا موشریف ل ئەبو زەبیا پایتەختێ ئیماراتێ وەکی سەرۆکاتیا محەمەد بن ڕاشد ئال مەکتوم جێگرێ سەرۆکێ دەولەتێ و سەرۆکێ جڤاتا وەزیران و حاکمێ دوبەی جڤیا.

نڤێسینگەها کاروبارێن سەرۆکاتیا دەولەتێ ڕاگەهاندنەک بەلاڤکر و تێدا هاتیە، لگۆرەی ماددەیێ ژمارە ٥١ێ دەستوری محەمەد بن زاید ئالنهیان و ب کوما دەنگان وەکی سەرۆکێ وەلاتێ ئیماراتێ کو جهگرێ خەلیفە بن زاید ئالنهیان یێ وەغەرکری هەلبژارت.

دوهی رۆژا ئەینی، خەلیفە بن زاید ئالنهیان د ژیێ ٧٤ سالیێ دا ب نەخۆشیێ وەغەرا داویێ کر و دەولەتا ئیماراتێ ژی بڕیاردا بۆ دەمێ ٤٠ رۆژان ئالایێ وەلاتی ببینە خار.

گەلەری